
Di 10 mehan de li 10 şaredariyan qeyûm tayîn kirin 

2025-01-29 09:23:32


	NAVENDA NÛÇEYAN - Wezareta Karên Hundir ji hilbijartinên 31’ê Adarê heta niha 8 jê yên DEM Partiyê li 10 şaredariyan qeyûm tayîn kir.&nbsp;

	Êrişên li dijî vîna gel didomin. Piştî hilbijartina rêveberiyên herêmî ya 31’ê Adarê, 8 jê yên Partiya Wekhevî û Demokrasiyê ya Gelan (DEM Partî) û 2 jî yên Partiya Gel a Komarê (CHP) bi giştî li 10 şaredariyan qeyûm hate tayînkirin. Piştî hilbijartinan, hewldana ewil a ji bo tayînkirina qeyûm li Wanê çêbû. Îktîdara AKP’ê li hemberî berxwedana gel neçar mabû ku paşvegavê biavêje.&nbsp;

	&nbsp;

	Di 3’yê Hezîranê de li Şaredariya Colemêrgê qeyûm hate tayînkirin. Hevşaredarê Colemêrgê Siddik Akiş hate girtin. Akiş, di 5’ê Hezîranê de hate darizandin û 1’emîn Dadgeha Cezayên Giran a Colemêrgê 19 sal û 6 meh cezayê hefsê lê birî.&nbsp;

	&nbsp;

	Şaredarê Esenyurt a Stenbolê Ahmet Ozer ê CHP’î ku bi modêla Lihevkirina Bajar hatibû hilbijartin jî di 30’ê Cotmeha 2024’an de bi îdiaya “endamtiya rêxistinê” hate binçavkirin û girtin. Li şûna Ozer, Cîgirê Waliyê Stenbolê Can Aksoy hate tayînirin.&nbsp;

	&nbsp;

	DARBEYA 4’Ê MIJDARÊ!&nbsp;

	&nbsp;

	Di 4’ê Mijdarê de li Şaredariya Bajarê Mezin a Mêrdînê û şaredariyên Êlih û Xelfetî ya Rihayê yên DEM Partiyî qeyûm hate tayînkirin.&nbsp;

	&nbsp;

	Di 22’yê Mijdarê de li Şaredariya Dêrsimê ya DEM Partiyî û Şaredariya Pulurê ya Dêrsimê ya CHP’î qeyûm hate tayînkirin. Di 20’ê Mijdarê de li Hevşaredarê Dêrsimê Cevdet Konak û Şaredarê Pulurê Mûstafa Sarigul 6 sal û 3 meh cezayê hefsê hate birîn. Ev ceza weke hinceta qeyûm hate nîşandan.&nbsp;

	&nbsp;

	Di 29’ê Mijdarê de Hevşaredarê Miksê yê Wanê Ayvaz Hazir ji peywirê hate girtin û li şûna wî qeyûm hate tayînkirin. Bi hinceta dema di sala 2015’an de yekîneyeke şaredariyê daxuyanî dida temaşe kiriye, bi îdiaya “propagandaya rêxistinê” lêpirsîn hatibû vekirin û 3 sal û 11 meh cezayê hefsê hatibû xwestin. Tevî ku lêpirsîn didomiya jî li şûna wî qeyûm hate tayînkirin. DEM Partiyê di 31’ê Adarê de tevahiya 14 şaredarên Wanê bi dest xistibû.&nbsp;

	&nbsp;

	QEYÛM TAYÎNÎ ŞAREDARIYA AKDENÎZÊ KIRIN

	&nbsp;

	Hevşaredarên Akdenîz a Mêrsînê Hoşyar Sariyildiz û Nûriya Arslan di 10’ê Çileyê de hatin binçavkirin û hatin girtin. Li şûna wan qeyûm hate tayînkirin.&nbsp;

	&nbsp;

	Danişîna doza Hevşaredara Sêrtê Sofya Alagaş ku ji ber xebatên di dema rojnamegeriyê de bi îdiaya “endamtiya rêxistinê” dihat darizandin, duh li 5’emîn Dadgeha Cezayên Giran a Amedê hat lidarxistin. Dadgehê, 6 sal û 3 meh cezayê hefsê da Sofya Alagaş. Wezareta Karên Hundir piştî cezayê Sofya Alagaşê, li Şaredariya Sêrtê qeyûm tayîn kir.

	&nbsp;

	Ji hilbijartina 31’ê Adarê heta niha li 10 şaredariyan qeyûm hatiye tayînkirin.&nbsp;

	&nbsp;