
3 sal û 9 meh cezayê hefsê dan Zeydan 

2025-02-11 10:04:53


	AMED - Di danişîna doza Hevşaredarê Bajarê Mezin ê Wanê Abdullah Zeydan de dadgehê 3 sal û 9 meh cezayê hefsê da.&nbsp;

	Danişîna 8’an a doza Hevşaredarê Bajarê Mezin ê Wanê Abdullah Zeydan ku bi îdiaya “Alîkarî daye rêxistinê” tê darizandin, li 5’emîn Dadgeha Cezayên Giran a Amedê hat lidarxistin. Zeydan, tev li danişînê nebû. Parêzerê dosyayê Mahsunî Karaman xwe ji dosyayê vekişand û li ser vê yekê Mehmet Emîn Aktar weke parêzer tev li dosyayê bû. Aktar, daxwaza demê kir.&nbsp;

	&nbsp;

	Dozger xwest ku daxwaza demê were redkirin. Şandeya dadgehê jî daxwaza demê qebûl nekir. Dozger, daxwaza ceza kir.&nbsp;

	&nbsp;

	AKTAR: EZ DADGEHÊ RED DIKIM

	&nbsp;

	Danişîna dozê bi parastina parêzer Mehmet Emîn Aktar domiya. Aktar, bertek nîşanî şandeya dadgehê da ku ji bo “ewlehiyê” ji Midûriyeta Emniyetê ya Bajar re muzekkere nivîsandiye. Aktar, wiha got: “Bêyî ku xwe li benda parastina min bigirin, we duh bi wê nivîsê biryara xwe diyar kir. Parastin, mafê min û miwekîlê min e. Ev, hêmayeke darizandina adilane ye. We bi nedayina demê re ev hêma binpê kir.”

	&nbsp;

	Aktar, wiha domand: “Bi helwesta xwe ya îro re hûn darizandina adilane binpê dikin û bêalîtiya xwe binpê dikin. Lewma jî ez dadgehê red dikim.”&nbsp;

	&nbsp;

	Aktar, têkildarî redkirina daxwaza xwe jî got: “Heke demeke maqûl neyê dayin ev yek dê bibe binpêkirina mafê darizandina adilane û mafê parastinê.”&nbsp;

	&nbsp;

	Dadgehê bi îdiaya “Bi zanebûn û bi dilxwazî alîkarî daye rêxistinê” 3 sal û 9 meh cezayê hefsê da Abdullah Zeydan.&nbsp;

	&nbsp;