
Rêveberiya Xweser banga diyalogê kir 

2025-03-07 11:21:40


	&nbsp;

	NAVENDA NÛÇEYAN - Rêveberiya Xweser diyar kir ku şer û pevçûnên li herêmên beravê yên Sûriyeyê bi xwe re çareseriyê nayînin û banga diyaloga ku hemû pêkhate tê de cih digirin, kir.&nbsp;

	&nbsp;

	Rêveberiya Xweseriya Demokratîk a Bakur û Rojhilatê Sûriyeyê der barê şer û pevçûnên ku li Latkiye, Tertus, Idlib, Hums û Deraayê di navbera komên çekdar û hêzên desthilata Şamê de derketine û hîn jî didomin, li ser malpera xwe ya fermî daxuyaniyek da.&nbsp;

	&nbsp;

	Daxuyanî wiha ye:&nbsp;

	“Li Sûriyeyê û nexasim li berava wê asta şerê di navbera hêzên girêdayî hikûmeta Şamê û grubên leşkerî yên li beravê de, bilind dibe. Em wekî Rêveberiya Xweseriya Demokratîk a Herêma Bakur û Rojhilatê Sûriyeyê, metirsî û xemgîniya xwe ya ji ber bûyerên li beravê diqewimin diyar dikin. Em destnîşan dikin ku sedema vê aloziyê ew e ku desthilatdariya Şamê rastiya Sûriyeyê rast naxwîne, hesasiyeta rewşa Sûriyeyê û bi taybet pirrengiya pêkhate û mezheban li ber çavan nehatiye girtin. Ev şer dê welatê me ber bi karestekê ve bibe û dê bibe sedema ku komkujî li ser gelê me yê Sûriyeyê pêk werin.

	&nbsp;

	Em bang li hemû aliyan dikin ku bi aqilmendî tevbigerin û vê aloziya ku dê bibe sedema zêdebûna mesafeya di navbera hêzên niştimanî yên Sûriyeyê de rawestînin.

	&nbsp;

	Me gelek caran bal kişandiye ku pêwîstiya Sûriyeyê bi diyalogeke niştimanî ya rast heye da ku Sûriyeyê ber bi ewlehî û çareserkirina nakokî û pirsgirêkan ve bibe. Me diyar kir ku ev çareserî jî avakirina Sûriyeke ku hêvî û xwestekên hemû gel, pêkhate û baweriyên Sûriyeyê pêk tîne ye.

	&nbsp;

	Careke din em banga rawestandina şer dikin û dibêjin berê xwe bidin diyalogê. Her wiha em bag li gelê xwe yê Sûriyeyê dikin ku li pey kesên dixwazin şerekî navxweyî li welatê me derxînin, nekevin.”

	&nbsp;