
Dayikên Şemiyê ji bo Murat Aslan daxwaza edaletê kirin

2025-08-02 14:10:25


	&nbsp;

	STENBOL – Dayikên Şemiyê, ji bo Murat Aslan ê ku ji aliyê kesên xwe wek polîs dabûn naskirin ve hatibû revandin û pişt re hestiyên wî hatibû dîtin, daxwaza edaletê kirin.

	&nbsp;

	Dayikên Şemiyê ji bo aqûbeta xizmên xwe yên di bin çavan de hatine windakirin bipirsin û bi daxwaza darizandina kiryaran, her hefteyê li Qada Galatasarayê kom dibin. Dayikan çalakiya xwe ya 1062’an lidar xist. Gelek kes beşdarî çalakiyê bûn, wêneyên windayan û qurnefîl hatin hildan.

	&nbsp;

	&nbsp;Di çalakiyê de aqûbeta Murat Aslan (25) hate pirsîn ku 10’ê Hezîrana 1994’an li navçeya Yenîşehîrê ya Amedê ji aliyê polîsan ve bi Torosa Spî hate revandin.

	&nbsp;

	JÎTEMÊ KUŞTINA WÎ ÎTIRAF KIR

	&nbsp;

	Endama Komîsyona Windayan a ÎHD’ê Sebla Arcan çîroka Murat Aslan xwen û ev tişt got: “Hemû serlêdanên malbata Murat Aslan ê ku bi Torosa Spî hate revandin, bê encam man. Binçavkirina ku hate înkarkirin, piştÎ 10 salan endamê JÎTEM’ê Abdulkadîr Aygan di îtirafên xwe de qebûl kir. Qqûbeta Murat Aslan derkete holê; Fermandariya JÎTEM’ê ya Silopiyayê, li Murat Aslan îşkence kiriye û piştre biriye çoltera Licê kuştiye û veşartiye. Di 19’ê Nîsana 2004’an de kolanên ku piştî îtirafên Aygan hate kirin, Saziya Tîba Edlî (ATK), hestiyên Murat Aslan dît. Malbatê têkildarî 30 rayedarên Rewşa Awarte (OHAL) û cendirme lêpirsîna sûc kir. Kesên ku Murat winda kirin hêj nehatine darizandin.”&nbsp;

	&nbsp;

	Xûşka Murat Aslan Fatma Aslan, diyar kir ku dê têkoşîna edaletê bidomînin û got: “Hêj ku diya min dijî, ez dixwazin edalet pêk bê.”

	&nbsp;

	Çalakî piştî ku qurnefîl li Qada Galatasarayê hatin danîn bi dawî bû.&nbsp;

	&nbsp;