
Mehmed Ûzûn li ser gora xwe hat bîranîn 

2025-10-11 13:36:31


	&nbsp;

	AMED - Nivîskar a Mehmed Ûzûn di 18'emîn salvegera mirina xwe de li ser gora xwe hat bibîranîn.&nbsp;

	&nbsp;

	Nivîskar Mehmed Ûzûn di 18'emîn salvegera mirina xwe de li Goristana Deriyê Mêrdînê ya Amedê li ser gora xwe hat bibîranîn. Malbata Ûzûn, hevşaredar, nivîskar, nûnerên partiyên siyasî û civaka sivîl tevlî bîranîna ku bi pêşengiya Şaredariya Bajarê Mezin a Amedê pêk hat de bûn.&nbsp;

	&nbsp;

	Ji malbata Mehmed Ûzûn, Mustafa Ûzûn malavayiya Şaredariya Bajarê Mezin a Amedê kir. Hevjîna Ûzûn, Zozan Ûzûnê jî behsa Ûzûn kir û got: "Gotinên wî her tim aramî û hêvî li min peyda kirin. Werin em bi hev re wî bi hezkirin û hêviyê biparêzin."&nbsp;

	&nbsp;

	Sekreterê PENa Kurd Azad Zal diyar kir ku pênûsa Ûzûn hîn jî didomîne û metneke ku Ûzûn nivîsandibû xwend. Nivîskar Hacî Özkal jî got: "Bila rihet razê, em ê li Kurdistana azad berhemên wî belav bikin."&nbsp;

	&nbsp;

	Hevşaredarê Şaredariya Bajarê Mezin a Amedê Dogan Hatûn jî got: "Wî di tarîtiyê de mûmek vêxist. Îro ger em bi zimanê xwe diaxivin û dinivîsin, dilopek vê encama keda Ûzûn e."

	&nbsp;

	Çîrokbêj Ayhan Erkmen jî helbestek xwend.&nbsp;

	&nbsp;

	Piştî kulîk li ser gora Ûzûn hatin danîn, bîranîn bi dawî bû.&nbsp;