Nûçegihanê rojnameya Evrenselê Metîn Goktepe, di 8’ê Çileya sala 1996’an de dema li Stenbolê nûçe dişopand, ji hêla polîsan ve hate revandin û bi îşkenceyê hate qetilkirin. Ji bo bîranîna Metîn Goktepe, ji hêla rojnameya Evrenselê ve her sal xelatên rojnamegeriyê tên dayin. Serlêdanên ji bo 29’emîn Xelatên Rojnamegeriyê yên Metîn Goktepe, dest pê kir. Di juriya torena xelatê de Abdurrahman Gok, Çîgdem Toker, Gokçer Tahîncîoglû, Nazim Alpman, Nûrcan Bîlge Gokdemîr, Ozlem Akarsu Çelîk, Sûltan Ozer û Tîmûr Soykan cih digirin. Xelat dê ji beşên “Nûçe” (nivîskî û bidîmen), "Wêne” û “Rojnamegeriya herêmî” bên dayin. Berhemên di navbera 10’ê Adara 2025’an û 10’ê Adara 2026’an de hatine weşandin dikarin serlêdanê bikin. Serlêdan dê di 14’ê Adara 2026’an de bi dawî bibin. Merasîma torena xelatdayînê jî dê di 10’ê Nîsanê di rojbûna Metîn Goktepe de bên dayin. 

 

Nûçeyên nivîskî divê di formata PDF’ê de, yên bidîmen jî bi rêya "WeTransfer" an jî "Google Drive" bên şandin. Nûçeyên li ser medyaya înternetê hatine weşandin jî dê bên nirxandin û ji bo van nûçeyan divê lînka wan bê parvfekirin. Di beşa wêneyan de jî divê navê wêneyê, cihê lê hatiye kişandin û dîroka wê bê destnîşankirin. Serlêdêr, divê kurtejiyana xwe, agahiyên pêwendiyê û wêneyekî xwe heta 14’ê Adarê bişînin navnîşana gazetecilikodulleri@gmail.com ê.