.

Amedspora a di Lîga 1’emîn a Trendyolê ya Federasyona Futbolê ya Tirkiyeyê (TFF) de bi Îstanbulspor û di hefteya 30’yemîn de li Stada Necmî Kadiogluyê ya li navçeya Esenyurta Stenbolê hatin hemberî hev. Gelek alîgirên Amedsporê li stadê cihê xwe girtin û piştevaniya tîma xwe kirin.

 

Di deqîqeya 34’an de Felix Afena-Gyan gola ewil avêt. Piştî gola pêşî Amedspor bi performansek serketî lîst û di deqîqeya 39’an de jî bi asîsta Florent Hasani, Mbaye Diagne gola duyemîn avêt û beşa yekemîn bi skora 2-0 bi dawî bû.

 

Amedsporê di beşa duyemîn a maçê de jî bi awayekî xurt dest pê kir û di deqîqeya 47’an de bi asîsta duyemîn ya Florent Hasanî, Mehmet Yeşîl gol avêt û skor bû 3-0.

 

Di deqîqeya 89’an de jî bi asîsta Dia Saba, Mbaye Diagne gola duyemîn avêt û maç 4-0 bi dawî bû. Amedsporê puanê xwe kir 61 û di rêza sêyemîn a lîgê de cihê xwe digire.