Serokê Meclisê Nûman Kûrtûlmûş bersiva daxuyaniyên Serokê CHP'ê Ozgur Ozel ên der barê rojeva hilbijartinên pêşwext de da. Kûrtûlmûş di axaftina xwe de der barê gavên qanûnî yên Pêvajoya Aştî û Civaka Demokratîk de jî nirxandin kir.

 

HILBIJARTINA PÊŞWEXT

 

Kûrtûlmûş got: "Li gorî Destûra Bingehîn û rêziknameya navxweyî, desthilata biryardanê li ser vê mijarê aîdî Meclisa Mezin a Neteweyî ya Tirkiyeyê ye. Dema ku şert û merc pêk werin, hilbijartinên pêşwext dê werin lidarxistin. Lê biryar aîdî Meclisa Mezin a Neteweyî ya Tirkiyeyê ye. Di vê mijarê de înîsiyatîfek biçûk jî nedane Serokatiya Meclisa Mezin a Neteweyî ya Tirkiyeyê. Ez ji kesên ku vê yekê dibêjin, re şîret dikim ku Destûra Bingehîn û rêziknameya navxweyî bixwînin."

 

PEYAMA DER BARÊ PÊVAJOYÊ DE

 

Kûrtûlmûş der barê Pêvajoya Aştî û Civaka Demokratîk de jî got: "Divê em di vê mijarê de zû tevbigerin. Lê ev lez û bez nayê wê wateyê ku divê em tiştan bê plan bikin. Biryarek hatiye dayîn, nexşerêyek derketiye holê. Berpirsiyariya diyarkirina gavên ku dê werin avêtin, li ser milê partiyên siyasî ye ku di Meclisa Mezin a Neteweyî de tên temsîlkirin. Em bi dil û can hêvî dikin ku ev pêvajo demildest temam bibe. Hêviya me ya herî bingehîn ew e ku rêxistin berpirsiyariyên xwe bicîh bîne û pêvajoya bêçekkirinê bileztir bike."