Asta ayekem a Qada Sîtê ya Xwezayî (qadaa hesas a ku divê bê parastin) ya Mûnzûrê hatibû betalkirin û wekî Qada Sîtê ya Xwezayî ya asta duyem (qada parastinê ya xwezayî ya wesfdar) hatibû diyarkirin. Li dijî vê doz hatibû vekirin û Dadgeha Îdare ya Herêmê ya Erziromê jî di 22'yê Nîsanê de Kaniyên Mûznûrê wekî Qada Hesas a Parastinê sererast kiribû. Lijneyên Koordinasyona Bajêr a Hermê ya Yekîtiya Odeyên Endezyar û Avahîszan a Tirk (TMMOB) têkildarî mijarê li avahiya xwe daxuyanî da. Sekreterê Lijneya Koordinasyona Bajêr a TMMOB'ê ya Dêrsimê Ûgûr Beycan, bal kişand ser têkoşîna hiqûqî ya berê ya ji bo betalkirina statuya Kaniyên Mûznûrê û got: "Hê doza dewam dikir, di Sibata 2024'an de bi biryarnameyeke Serokkomariyê statuya beşeke kaniyan a 'statuya parastina wesfdar' hat betalkirin û wekî Qada Sîtê ya asta yekem hatibû îlankirin. Wekî TMMOB'ê me bi raporeke pêvekî îtiraz kir û li ser vê li Pulurê dadgeha pêzaniyê hat avakirin. Bi vê dadgehê re, Dadgeha Îdare ya Herêmê ya Erziromê TMMOB'ê mafdar dît û vegera li biryara 2003'Yan a Lijneya Parastina Heyînên Xwezayî ya Erziromê çêbû." 

 

Beycan destnîşan kir ku divê ev biryar ji bo tevahiya Geliyê Mûnzûrê bê pêkanîn û got ku divê hemû hewze û Çiyayên Mercanê ku Mûnzûrê xweî dikin, bi awayekî yekpare esas bên girtin. Beycan bilêv kir ku divê biryara parastinê ya der barê Geliyê Mûnzûrê de bê berfirehkirin û got ku ew dixwazin ev biryar ji bo tevahiya Geliyê Mûnzûrê bê dayîn.