Tevgera Jinên Azad (TJA), bi daxwaza azadiya fîzîkî ya Rêberê Gelê Kurd Abdullah Ocalan dê di 19’ê Nîsanê de bi dirûşma “Dema jinê ye, dema azadî û Rêbertiya azad e” li Gemlîkê meşê li dar bixe. Baskê meşê yê Wanê ji bo tevlibûna meşê ber bi Amedê ve bi rê ket. Jinên ku dê tev li meşê bibin, ji avahiya DEM Partiyê heta Parka Mûsa Anter meşiyan. Jinan, di meşê de dirûşmên “Bê Serok jiyan nabe” û “Jin, jiyan, azadî” berz kir. Piştre jî li otobûsan siwar bûn û bi rê ketin.