Meşa Meclisa Ciwanan a Partiya Demokrasî û Wekheviyê ya Gelan (DEM Partî) ya bi boneya 76'emîn rojbûna Rêberê Gelê Kurd Abdullah Ocalan ji Amedê ber bi gundê Amara yê Xelfetî ya Rihayê dest pê kir, di roja duyan de didome. Meş bi dirûşmeya "Bi civaka demokratîk em ber bi azadiye ve dimeşin" pêk tê û gihîşt navçeya Curnê Reş.

 

Çalakvan êvara 1'ê Nîsanê roja Sêşemê gihîştin navçeya Sêweregê û şeva xwe lê derbas kirin. Ciwanan serê sibehê serdana goristanê kirin.

 

Parlamenterên DEM Partiyê Zekî Îrmez û Onûr Duşunmez jî di nav de ciwanan serdana gorên bêkesan kirin. Ciwanan piştre serdana gora Mahmût Zengîn kirin ku di 18'ê Gulana 1982'an de li Girtîgeha Tîpa E ya Amedê li gel Ferhat Kûrtay, Necmî Oner û Eşref Anyik çalakî kiribû û şehîd ketibû.

 

Di bîranînê de bi navê Meclisa Ciwanan a DEM Partiyê Mûhsîn Aydogdû axivî û got: "Ciwanên welatparêz wê li ser şopa wî û hevrêyên wî bin."

 

Ciwanan piştî bîranînê dest bi meşê kirin û dirûşmeyên "Ciwan fedaiyên Apo ne", "Jin, Jiyan, Azadî, Azad bike Rêbertî", "Rojbûna te pîroz be ey Serok Apo" qîriyan.

 

Ciwanan li derveyî navçeyê bi wesayitan ber bi Curnê Reş ve bi rê ketin. Ciwanên ku gihîştin navçeyê wê li vê derê jî bimeşin.