Karkerên ku ji bo debara xwe bikin didin ser rêyan, gava diçin cihê ku dê lê bixebitin jî di şert û mercên zehmet de dijîn. Yek ji van deverên ku karkerên demsalî hatinê jî Taxa Kesîkkopruyê ye. Li vira karker di konên 20 metrekarî de dijîn û her wiha ne av, ne ceryan û ne jî paqijî heye.
Hevseroka Giştî ya SES'ê Gonul Erden, diyar kir ku dê li dijî Giştînameya SGK'ê ya ku ji bo vîrûsa corona qezaya kar neyê hesibandin, doza betalkirinê vekin.
Sendîkaya Karkerên Tekstîlê ya Şoreşger, ragihand ku di fabrîqeyên li Dîlokê de, 118 karker bi vîrûsa koronayê ketine û wiha bang kir: “Tenduristiya karkeran di heman demê de tenduristiya civakê ye. Tavilê divê fabrîqeyan bixin bin karatînayê û destûra bi meaş ji bo karkeran bê dayîn.”
Endala Lijneya Navendî a KESK'ê Gulistan Atasoy, têkildarî sirgûna kedkarên rêya trênê daxuyanî da. Atasoy, dema got 'Qeyûmê Amedê serokatiya civîna AKP'ê dike', amîrê polîsan hişyarî kir û got “Vê jinê rawestînin. Bila dernekeve dervê zagonan." û mudaxale kir.
Karkerên çandiniyê yên demsalî ku ji bajarên cuda û hin jê jî ji ber şer reviyane hatine Aydinê, çendî ku şewb heye jî di şert û mercên zehmet de dişixulin. Karker rojê bi 85 TL'yî dişixulin û gotin: "Dahata me tenê keda me ye."
Li Bismilê karkerên çandiniyê ku di şert û mercên zehmet de dişixilun diyar kirin ku heqê keda wan nayê dayîn û cotkar jî bal kişandin ser bihabûna fiyetê ceryan, mazot, gubre û dermanên çandiniyê.
Li gelek bajaran 301 qûrbaniyên Komkujiya Somayê di salvegera 6’emîn de hatin bibîranîn. Di daxuyaniyan de hat gotin “Çerx digerin û karker û kedkar dimirin” û soza domandina têkoşînê hat dayîn.
KESK’ê di salvegera 6’emîn de qûrbaniyên Komkujiya Somayê bibîr anî û got zû an jî dereng wê hesabê Somayê bipirsin.
Serokê Giştî yê TMMOB'ê Emîn Koramaz, diyar kir ku AKP dixwaze rêxistinên pîşeyî bike yekîneyên girêdayî Navenda AKP'ê û ji armanca xwe dûr bixe. Koramaz, da zanîn ku hewldanên AKP'ê yên li dijî rêxistinên pîşeyî li dijî Destûra Bingehîn e.
Sekreterê Rêxistinbûyînê yê Bagimsiz Maden Îşçîlerî Kamîl kartal, piştî Komkujiya Somayê li ocaxan hilberîna mekanîzasyonî dest pê kiriye û karkerên ku li van ocaxan dişixulin şert û mercên wan girantir bûne û nexweşînên wan ê hilmijînê zêde bûne.
Li Nisêbîna Mêrdînê Kendal Şehmûsê ku 7 sal in bi avdaniya erdan debara xwe dike, got: "Em avê ji bîrên ku bi qasî 400 metrî kûr in dikişînin. Em avdaniya kîjan erdî bikin, em mala xwe jî dibirin wir."
Pisporê Ewlehiya Karî Ozan Kaplan, ji bo karkerên li înşeatan dişixulin û 8-10 kes pev re di konteynerekê de dimînin got, tu wateya navbera civakiyî nnemaye û tê wateya "Nesekine, dewam bike."
Karkerên kana komirê yên Somayê, diyar kirin ku berê tedbîr nehat girtin û komkujî pêk hat û niha jî tedbîr nayên girtin. Karkeran, anîn ziman ku li gel talûkeyê dibînin jî wê rîskê didin ber çavan û neçar in kar bikin.
Li bazara navçeya Ortaklarê ji ber krîza aborî û şewba vîrûsa coronayê fiyetên zebze û fêkiyan gelekî biha bûne. Hem esnaf hem jî welatî ji ber vê bihabûnê bi gilî û gazinc in.
Ji Sendîkaya Hemû Gundi ya Hilberînê Sedat Başkavak, diyar kir ku di pêvajoya şewbê de pêdivî bi polîtîkayek çandiniyê ya nû heye û got: “Ji bo parastina karkerên çandiniyê, pêwîstî bi xizmeta tenduristiyê ya mobîl heye.”