Platforma Şaxan a KESK’ê ya Stenbolê xwest ku Komîsyona OHAL’ê bê betalkirin û diyar kir ku heta ku kedkarên cemaweriyê yên bê hiqûqî hatine îxrackirin vegerin ser karê xwe wê têbikoşin.
Sekreterê Giştî yê TUM BEL-SEN’ê Yilmaz Yildirimci, diyar kir ku hevserokên wan bi pêşniyara qeyûm Munîr Karaloglû û bi erêkirina Wezareta Karên Hundir hatine îxrackirin û wê pêkanînên neheq qebûl nekin.
Parlamenter û rêveberên HDP’ê yên li Mêrsînê “Hevdîtinên Ji Bo Nan û Kar” bi rêve dibin, serdana karkerên çandiniyê yên her roj saet di 05.00’an de diçin kar kirin û li pirsgirêkên wan guhdar kirin.
Çalakiya 16 karkerên ku bi Kod-29'ê ji kar hatine derxistin, di roja 28'an de didome. Karkeran, diyar kir ku heya ku daxwazên wan neyên qebûlkirin dê çalakiya wan dewam bike.
Hakan Atîlla yê piştî ji “Doza Halkbankê” 28 meha li Amerîkayê di girtîgehê de ma û vegerî Tirkiyeyê, kiribûn Midurê Giştî yê Borsaya Stenbolê îstîfa kir.
Li gorî rapora cînayetên kar ên meha Sibatê ya Meclîsa ÎSÎG’ê aşker kir, herî kêm 138 karkeran jiyana xwe ji dest dan.
Serokê Tum Koy-Sen a Şaxa Ordûyê Zekaî Sagra, anî ziman ku cotkar ketibûn etra mesrefan, lê belê bi ser ziwabûn jî li pirsgirêkên wan zêde bûne û ji ber vê cotkar dest ji çandiniyê berdidin.
Esnafên ku piştî qedexeyên pandemiyê kargehên xwe vekirin, dan zanîn ku “Asayîbûna” nû wê nekare kavilê pêvajoya salekê rake.
Li 4’emîn Herema Pîşesazî ya Organîzeyê ya Dîlokê çalakiya karkerên ji 2 fabrîqeyan hatibûn derxistin û dan destpêkirin didome.
Li Enqereyê malbata Dûrmazê ji ber ku pere tune ye gaza xwezayî bikişîne malê, sobe daniye, lê belê piştî ku cînaran gilî kirine û gotine "dû dike", rêvebiriya apardûmanê sobe rakiriye.
* Serokê Odeya Endezyarên Çandiniyê ya Amedê Abdûssamed Ûcaman, diyar kir ku ji ber bihabûna fiyetê derman û gubreyê, hema bibêje çandinî sekiniye û got: "20 sal in her diçe kêm dibe."
Serokê Giştî yê Dev Yapi-Îşê Ozgur Karabûlût, anî ziman ku par di karê înşeatan de 355 karker jiyana xwe ji dest dane. Karabûlût, destnîşan kir ku bi tevdîrine biçûk dê pêşî li ber van cinayetan bê girtin û got: "Ji bo em nemirin, ji xeynî rêxistinbûyînê wekî din tu çareyeke me tune ye."
Esnafên Sîteya Pîşesaziya Biçûk a Hesinkar û Xurdefiroşan a Wanê, diyar kirin ku ji ber xurdefiroşên li navenda bajêr karê wan sekiniye û mexdûr bûne û ger ev mesele neyê çareserkirin dê ew jî bar biki n navenda bajêr.
Serokê Şaxa Genel-Îş’ê yê Hejmara 1 a Anadolû Yakasiyê Ahmet Arikan, hevdîtinên TÎS’ê yên bêxebera karkeran hatin qedandin şermezar kir û diyar kir ku xalên di warê aborî û xebatê de karkeran herî zêde eleqedar dikin, hatin pêşkeşkirin.
Kardêr Mehmet Erol, anî ziman ku sektora tekstîlê pri berteng bûye û îqtidar di bin navê alîkariyê de krediya bifaîz dide.