Efrîna ku ji hewa û bejahiyê ve du mehan hat bombebarankirin, ji bo zêde sivîl nemirin hat valakirin. Lê belê ev çend roj e çapemeniya AKP'ê manşetên wekî "Reviyan" çê dikin. Îtirafkariya ku ev manşet di xwe de dihebînin li hêlekê, lê belê eger rastiya vê yekê zanibin wê ji fediya nikaribin serê xwe rabikin.
Tirkiye ku bi feraseta "Osmaniya Nû" hemû hêza NATO daye pişta xwe û êrîşî Efrînê dike, 57 rojin bi tang û topan Efrînê bombe dike. Gelê Efrînê jî 57 rojin li dijî êrîşên TSK û OSO liberxwe dide. Lê paytextê Împaratoriya Roma Stenbol li dijî êrîşê Osmanlî 53 rojan li ber xwe da û ket.
Li Efrînê ku bi sedhezaran kes bi komkujiyê re rû bi rû ne, fikra berxwedan dê şerê li Sûriyeyê çareser bike, lê êrîş ruh didin DAIŞ’ê serwere. Hat zanîn ku malbatên El Nusra û OSO yên ji Îdlîbê, ji bo li Efrînê bi cih bikin anîne Kîlîsê.
16'ê Adarê 30'yemîn salvegera komkujiya Halepçe ye. Hêj hesap ji Helepçe nehatiye pirsîn, niha Efrîn bi komkujiyê re rû bi rû ye. TSK û OSO bi tang, top û balafirên şer ji hewayî û bejayî 52 rojin li ser hev Efrînê bombe dikin. Zêdeyî 850 welatiyên Efrînê di nava bajar de bi komkujiyê re rû bi rû ne. Li aliyekî hemû cîhan êrîşan temaşe dikin û li hemberî vê komkujiyê bêdeng in. Li aliyê din hêzên mezin ên cîhanê planan dikin.
QSD’ê biryar dabû ku hêzên xwe yên li Reqqa û Dêra Zorê bişîne Efrînê. Ev biryar hesabên DYA, Koalisyon û Rûsyayê xira kirin. Metirsî heye ku ev biryar şerekê nû ya navxweyî bi xwe re bîne û dibe ku DAIŞ careke ji xwe re qadeke tevgerînê bibîne.
Li pişt perdeya şerê Efrînê, hemû hesab û planên tên kirin serobino bûn. Ne Tirkiye, ne Rûsya, ne jî Amerîka yek ji wan jî hesabê berxwedaneke bêhempa nekiribûn. Plana li Astanayê li ser lihevkirinê çê kiribûn, vala derket. Çarenûsa Efrînê êdî bi berxwedanê pêkan e.
Wezîrê Karên Derve yê DYA Rex Tillerson dê sibê Tirkiye ziyaret bike. Beriya ziyareta Tillerson, rageşiya di navbera Enqere-Washingtonê de zêde dibe. Wezîrê Karê Derve yê Tirkiye Çavuşoglu jî beriya hatina Tillerson diyar kir ku dê têkiliyên xwe zelal bikin. Ev nîşan dide ku dê bi ziyareta Tillerson a Tirkiye têkiliya di navbera Tirkiye û DYA de dê bêtir zelal bibe.
3'yemîn Kongreya Mezin a HDP'ê bi tevlêbûna deh hezaran pêk hat. Tevî hemû astengiyan, kongre bi coşek mezin bi dawî bû. Di vê kongreyê de hat dîtin ku bi binçavkirin, girtin, zextên li ser HDP'ê HDP xelas nebûye û mezintir bûye. Kongreya HDP'ê ji bo têkoşîna pêşerojê û berpirsiyariyê bawerî û hêvî xurttir kir.
Tirkiye û DYA di hevdîtinên dîplomatîk ên dawî de dest bi siyaseta hevdû derewçîn derxistinê kirine. AKP bi vê dîplomasiya xwe baweriya xwe ya li hemberî girseya xwe winda dike. Rêveberiya AKP'ê bi vê rêbazê hêzên li hemberî xwe teşwikî siyaseta mecbûrkirinê dike.
Her çend amadekariyên hewldaneke operasyona li dijî Efrînê di rojevê de be jî, TSK di aliyê Minbicê de hêzên xwe bi cih dike. Ihtimala operasyona li dijî Minbicê zêde ye.
Piştî DAIŞ li Reqayê têk çû û ji quwetê ket, niha Beşar Esad ji bo hebûna xwe bidomîne wê bi kar tîne û dixwaze QSD'ê bê bandor bihmle û Tirkiyeyê jî ji heremê derxîne.
Rêberê PKK'ê Abdullah Ocalan di dema hevdîtinan de endamên Heyeta Îmralî dem dem hişyar kir û gotibû “Ger ku ewlehiya we ya zagonî tune be sibê du sib dikarin we bi îdamê darizînin" û xwestibûn hevdîtinê bikin zagonî û fermî. Li ser israra Rêberê PKK'ê Ocalan zagon hatibû sazkirin. Lê tevî vê zagonê dîsa duh Dadgeha Cezayê Giran a Amedê ceza li parlamenterê HDP’ê yê Amedê Îdris Baluken birî. Hişyariya Ocalan carek din mafdar derket.
Komîsyona Tespîtkirina Heqdesta Kêmtirîn, wê ji bo biryara ku dê der barê 6 milyon kesî bide de îro dîsa bicive. TÎSK'ê ku dê di komîsyonê de 5 endamên wê hebin û hikûmet balê kişandin ser "şertên welat". Ji niha ve navê "sefaletê" li zemê kirine, lê belê ji bo çi nav li "şertên welat" nayê kirin?
Piştî Reqqa ji DAIŞ'ê hat paqijkirin, li Sûriyeyê lêgerînên çareseriyê zêde bûn. Di civînên li Soçî, Riyad û Cenevreyê de çareserî derneket, lê rejîma Baasê û Tirkiye di nava hewldanên nû de ne û dixwazin agirê şerekî nû gur bikin.
Di pêvajoya çareseriya Sûriye tê niqaşkirin de êrîşên çapemeniya serdest li dijî kurdan zêde bû. Piştî BBC der barê Reqa û YPG'ê de nûçeyên aloz çêkir, niha jî çpaemeniya The Times got “Piştî peymana Reqqa bi sedan endamên DAIŞ'ê di ser DAIŞ'ê re derbasî Ewropa dibin" AA jî rolê Telal Silo danî ser xwe.