STENBOL - Dayikên Şemiyê vê hefteyê aqûbeta Nûrettîn Çûr pirsîn û diyar kirin ku ji bo sûcên hatine kirin ronî bibe dê têkoşîna xwe bidomînin.

 

Dayikên Şemiyê di hefteya 1055'emîn a çalakiyên xwe de li Qada Galatasarayê, cihê hevdîtina xwe, hatin cem hev da ku  aqûbeta xizmên xwe yên kuştî û windabûyî bipirsin û daxwaza xwe ya edaletê bînin ziman. Di çalakiya hefteya 1055'emîn de, li  eqûbeta Nûrettîn Çûr, ku 30 sal berê li navçeya Rezan a Amed hate windakirin, hate pirsîn. Di çalakiya ku parêzvanên mafên mirovan jî piştgiriyê didinê de, wêneyên kesên ku di binçavan de hatine windakirin li gel qurnefîlan hatin hilgiritn. Ji Mirovên Şemiyê Oya Ersoy di çalakiyê de daxuyaniya çapemeniyê xwend.

 

Oya Ersoy, ku diyar kir windabûnên di bin çavan de ji ber polîtîkayên şer ên dewletê çêbûne, got, "Em bi biryar in; em ê daxwaza xwe ya ji bo çareserkirina sûcên li dijî mirovahiyê, nemaze windabûnên di bin çavan deku li van axan pêk hatin, û ji bo eşkerekirina kê ev sûc kirine û çima, bidomînin. Ji ber ku her civak xwedî mafekî girîng e ku bizanibe kê sûcên weha hovane kirine. Em bi biryar in; Em ê balê bikişînin ser kevneşopiya bêcezatiya nayê guhertin."

 

ÇÎROKA NÛRETTÎN ÇÛR

 

Oya Ersoy,  got ew ji bo Nûrettîn Çûr, ku berî  bi 30 salan hatiye windakirin, rastî û edaletê dixwazin ûgotinên xwe wiha domand: "Nûrettîn Çûr ê 28 salî li navçeya Rezan a Amedê dijiya. Ew dikandar bû û li qata jêrîn a avahiya ku lê dijiya firoşgehek dikana xurekê dimeşand. Hevjîna  wî 6 mehî ducanî bû. Ew ji bo cara yekem bibe bav kêfxweş bû. Ji ber çalakiyên wî yên partiya siyasî ew dihat şopandin. Her wiha ji ber muzîka Kurdî ya ku di firoşgeha xwe de guhdarî dikir gelek caran gef lê dihat xwarin. Di 27ê Hezîrana 1995'an de, ew çû bazarê da ku ji bo firoşgeha xurekê kelûpelan bikire. Dema ku ew êvarê venegeriya malê, hevjîna wî digot dibe ku ew ji bo bavê xwe yê nexweş çûye gund. Di şert û mercên gund de ku ragihandin tune bû, Malbata Çûr tenê sê roj şûnda karîbû fêm bike ku Nûrettîn winda ye."

 

'EM DEV JÊ BERNADIN'

 

Oya Ersoy  diyar kir ku dadgerî sûcan vedişêre û berpirsiyaran bi bêcezatî xelat dike û ev tişt got, "Em dizanin ku maf û azadiyên bingehîn tenê di şert û mercên ku serdestiya hiqûqê derbasdar e de têne ewlekirin. Di hefteya me ya 1055'an de, em careke din bi bîr tînin ku dewlet bi hiqûqê ve girêdayî ye, dadgerî bi divê serbixwe be û ev hemû jî bi şatiyê pêkanin. Çiqas sal derbas bibin jî, em ê dev ji daxwaza edaletê ji bo Nûrettîn Çûr û ji bo hemû windahiyên xwe bernedin, û bi bîr bînin ku divê dewlet di çarçoveya normên hiqûqî yên gerdûnî de tevbigere."

 

Piştre, Endamê Lijneya ÎHD'ê Cîhan Kaplan nameya dayika Nûrettîn Çûr, Makbule Çûr xwend. Di nameyê de ev gotin hebûn: "Ez we hemûyan bi êş û têkoşîna ku me di bin heman banî de tîne cem hev, ku di dilê me de yek e, silav dikim. Kurê min ji ber çalakiyên xwe yên partiya siyasî her tim dihat şopandin û gef lê dihat xwarin. Ew nikarîbû vegere mala xwe, me tenê piştî sê rojan fêm kir ku ew winda ye. Kesî dengê me nebihîst. Lêgerîna me ya edaletê ji bo kurê min Nurettin berdewam dike. Min 30 salan mala xwe neguhart ji ber ku  kurê min min dibe vegere." 

 

Piştre, çalakî bi danîna qurnefîlan li Qada Galatasarayê bi dawî bû.