Gulnaz Kiliç ku 12 sal in ji bo keça xwe Husna Kiliç a di Girtîgeha Kandirayê de diçe girtîgehê, diyar kir ku dê li dijî çewisandinan dest ji berxwedanê bernedin û got: "Em kurd in, em serî natewînin."
Endama Yekeya Dîplomasiya Kongreya Starê Pencewîn Elî da zanîn ku ji bo amadekariyên Kongreya Jinên Kurd a Neteweyî înîsiyatîfek hatiye avakirin.
Parlamentera HDP’ê Zuleyha Gulum bi bîr xist ku li her cihê ku şer lê heye, bedena jinê weke amûr tê bikaranîn û wiha got: “Jin xwediyê wê îdîayê ne ku jiyaneke nû û demokratîk ava bikin ku her kes bi zimanê xwe karibe lê bijî.”
Parêzer Çîgdem Sevîmlî, diyar kir ku li Kurdistanê sûcên li dijî jinan weke polîtîkaya dewletê pêk ten û got ku hejmara leşker, polîs, notirvan ku nîvî gelheyê ne demografiyê diguherînin û îhtîmala tundiya li ser jinan zêde dikin.
Bi angaşta ku heqaret li tecawizkarê Îpek Er Mûsa Orhan kiriye ceza li listîkvan Ezgî Mola hat birîn.
Delegeyên tev li Konferansa Jinan a HDP'ê bûn destnîşan kirin ku ew ê li dijî şer bi têkoşîna hevpar li ber xwe bidin û ji bo demokrasiyê tifaqa jinan pêk bînin.
Mahsûn Abakay ku Pinar Kizil kuştibû û 3 kesên pê re hatin binçavkirin.
Li Antalyayê di 8’ê Adarê de derbarê ji 40 kesên tev li Meşa Şevê ya Femînîst bûbûn û polîsan bi lêdanê wan binçav kiribû, doz hat vekirin.
Konferansa Jinan a HDP'ê ya Asayî ya 4'emîn bi dawî bû. Di konferansê de hat destnîşankirin ku dê jin têkoşîna xwe mezin bikin û bi awayek mezin bi ser bikevin.
Li navçeya Beykozê jina bî navê Handan Uyaroglu ji aliyê Mesût Uzun ve hat qetilkirin.
Di roja ewil a Konferansa Jinan a Asayî ya 4'an a HDP'ê de geşedanên siyasî yên li Tirkiyeyê û Rojhilata Navîn û êrişên li ser HDP'ê û têkoşîna jinan hatin nîqaşkirin.
Li navçeya Kadikoyê bijîşka diranan Şeyma Bîran, di mûayenexaneya xwe de ji aliyê kesên nasnameya wan nediyar ve hate qetilkirin.
Hevseroka Şirnexê ya HDP’ê Sabuha Akdag, destnîşan kir ku di pêvajoyên şer de ên herî zêde hedef tên girtin jin in û got: “Heke em her qadê veguherînin qada têkoşînê, em ê bi ser bikevin. Ev pêvajo pêvajoya dema berxwedana jinê ye.”
Meclîsa Jinan a HDP'ê têkildarî endamên partiyê yên hatin girtin daxuyaniyek da. Meclîsa Jinan diyar kir ku desthilat bi polîtîkaya şer haziriya çûna xwe dike û got: "Dê tifaqa mêr a AKP-MHP'ê ku di siyasetê de hebûna jinan tamûl nake, bi bin bikeve û dê jin bi ser bikevin. Em ê bi ser bikevin."
Tora Têkoşîna li Dijî Tundiyê ya Amedê têkildarî jinên ku li Silopiya, Xarpêt û Wanê hatine qetilkirin daxuyanî da û wiha got: “Jinên kurd hem ji ber zayenda xwe û hem jî ji ber nasnameya xwe tên qetilkirin û rastî tundiyê tên. Polîtîkaya desthilatdariyê li dijî kurdan û jinan e.”