Di encamnameya 3’yemîn Konferansa Jinan a DBP’ê de wiha hate gotin: “Biryar hate dayin ku ji bo misogeriya aştiya Rojhilata Navîn birêz Ocalan çalakî, xwepêşandan û hevdîtinên bên lidarxistin; li dijî qirkirinên jinan li her derê xebatên xweparastinê bên birêxistinkirin û di siyaseta demokratîk de têkoşîna xwe bi rêya akademiyan mezin bikin.”
- Êrişên dewleta tirk ên li dijî Bakur û Rojhilatê Sûriyeyê didomin. Ji sala 2018’an ve dewleta tirk bi giştî 13 jinên pêşengî ji civakê re dikirin, qetil kir.
Berdevka Meclisa Jinan a DBP’ê Bêrîvan Bahçecî di Konferansa Jinan de axivî û diyar kir klu Şoreşa Rojava şoreşa jinê û enternasyonalîst e û wiha bang li îktîdarê kir: “Dev ji êrişkirina destekftiyên Rêveberiya Xweser berdin.”
Jina bi navê Denîz Erkan a janên welidînê dijiya û çû Nexweşxaneya Dewletê ya Şirnexê, jiyana xwe ji dest da.
Di doza qetilkirina Hasret Tutalê de dadgeha herêmî bi hinceta “başhalî”yê cezayê kujer Şervan Gulal daxistibû 25 salan. Ev ceza, ji hêla Dadgeha Herêmê ya Dîlokê ve hate erêkirin.
MKG’ê rapora xwe ya meha Mijdarê eşkere kir. MKG’ê diyar kir ku derheqê 7 rojnamegeran de lêpirsîn hate destpêkirin, derheqê 7’an de doz hate verkirin, 38 rojnameger hatin darizandin û li 7 rojnamegeran bi giştî 2 sal û 3 meh cezayê hefsê hate birîn.
Dîlan Durmuş a ducanî ku ji bo welidînê rakirin nexweşxaneya Elkê, bi hinceta “pisporê/a welidînê tune ye” mudaxile lê nehate kirin. Dîlan Durmuş a ku zarokê wê li nexweşxaneyê bû, ji ber ku xwîn ji hundirê wê çû jiyana xwe ji dest da.
Li Amedê di çarçoveya kampanyaya “Gotina me neqediya. Em ê bi hev re tundiyê rawestînin” de “Atolyeya Xweparastinê” de hatibû destpêkirin û di atolyeyê de jin tên perwerdekirin ku bikarin xwe ji tundiyê biparêzin.
Şaredariya Bajarê Mezin a Wanê, Pirtûkxaneya Berhemên Jinan û Navenda Lêkolînê vekir. Parlamentera DEM Partiyê Gulcan Kaçmaz Sayyîgît got ku xeyala Nagihan Akarsel li Wanê bi cih hatiye.
Berdevka Meclisa Jinan a DBP’ê Berîvan Bahçecî di atolyeya şerê taybet a li bajarokê Bulamê de axivî û bal kişand ser xwebirêxistinkirina li dijî şerê taybet.
Şaredariya Peyasê dê "Pirtûkxaneya Berhemên Jinan" veke. Ji koordînatorên projeya ku ji aliyê Midûriyeta Jinan ve tê meşandin Gunay Yakût diyar kir ku dîroka jinê ya nivîskî tune ye û got ku armanca wan ew e ku dîroka jinê berbiçav bikin.
Li gorî çeteleya tundiyê ya meha Mijdarê ya ji hêla JINNEWS’ê ve hatiye amadekirin, herî kêm 31 jin hatin qetilkirin û 25 jinan jî bi awayekî guman jiyana xwe ji dest dan.
Dayikên Aştiyê yên li ser sînor li dijî êrîşên li ser Bakur û Rojhilatê Sûriyeyê meşiyan, destnîşan kirin ku şer û pevçûn ne çareserî ye û gotin, "êdî bes e."
Înîsiyatîfa Dayikên Aştiyê ya Stenbolê diyar kirin ku divê nîqaşên têkildarî çareseriyê jidil bin û li dijî şer banga têkoşînê li her kesî kirin.
Endamên Meclisa Dayikên Aştiyê ku bertek nîşanî êrişên li ser Bakur û Rojhilatê Sûriyeyê dan gotin: "Wê wekî berê li ber felsefeya 'Jin, Jiyan, Azadî' têk biçin."