Yek ji jina TJA’yî Fîgen Ovat ku roja ewil a erdhejê hate qadê, têkildarî tora ku li Hatayê avakirin wiha got: “Piştevanî hem mînaka jiyaneke ekolojîk hem jî ya azadîxwaziya jinê nîşanî me dide.”
Jinên hatayî, diyar kirin ku koçberî li wan tê ferzkirin û wiha got: "Dixwazî bila dewlet mêze bike dixwazî bile mêze neke, ger bivê em ê giya bixwin, lê em ji vir naçin."
Rojnameger Rojbîn Denîzê diyar kir ku jinên êzidî li Şengalê li dijî hemû polîtîkayên qirêj û êrişan xwe li dor jiyana nû ya Şengalê birêxistin dikin û wiha got: “Jinên êzidî tenêtiya xwe şikandin û vê serkeftin wan ku bi hêza xwe bi dest xistin, li ser bingeha felsefeya 'Jin jiyan azadî'yê pêş ket." Denîzê destnîşan kir ku jinên êzidî êdî di guherandina çarenûsa Şengalê de xwedî gotin in.
Li Wan û Colemêrgê bi pêşengtiya TJA’yê ji jinên girtî re qertên 8’ê Adarê hatin şandin.
Şaredariya Seferîhîsarê têkildarî Midûrê Îmar û Bajarvaniyê Erkan Demîr ku derheqê wî de ji ber tacîza zayendî lêpirsîn hatiye destpêkirin, tu kirarî nekir û derxist betlaneyê.
Li Kantona Qamişloyê bi minasebeta 8`ê Adarê Roja Jinan a Cîhanê çalakiyên cur bi cur hatin lidarxistin.
MEBYA-DER û TJA di çarçoveya çalakiyên 8’ê Adarê de çûn serdana gorên jinên di têkoşîna azadiyê de jiyana xwe ji dest dane û bi bîr anîn.
TAJÊ’yê da zanîn ku ew 8’ê Adarê di bin êrişan de pêşwazî dikin û wiha got: “Em ê li dijî êrişan, rêxistiniya jinan û berxwedanê mezintir bikin.”
Jinên TÎP’î piştî daxuyaniya 8’ê Adarê, bi mebesta piştevaniya bi mexdûrên erdhejê re ber bi Hatayê ve ketin rê.
Pêveka Jinê ya Yenî Yaşamê êdî heftane bi navê “Jin” digihije ber destê xwînerên xwe. Hejmara ewil a kovarê bi manşeta “Hevgirtina dide jiyîn, serhildana birêxistinkirî diguherîne” derket.
Jinên ji bo piştevaniyê bi dilxwazî hatin Elbistanê diyar kirin ku jinên li herêmên erdhejê 8’ê Adarê bi xemgînî pêşwazî dikin lê dê jiyana di bin kavilan de mayî jinûve ava bikin û birêxistin bikin.
Seroka Desteya Rêveber a MSD’ê Îlham Ehmed diyar kir ku ji bo bidawîkirina karesata li Sûriyeyê divê hemû jin xwe li dora dirûşma “Jin, jiyan, azadî” birêxistin bikin û wiha got: “Heke jinê sûriyeyî vê nekin, dê mîna berê tune bên hesibandin.”
Dayika Aştiyê Emîne Kaya ku ji ber îfadeyên zilamê ku ew dixwaze dest ji wî berde hat girtin, anî ziman ku dewlet û zilam hevkarî kirine û got: "Di vê pêvajoyê de min fêm kir ku ya ku jinê rizgar bike, ya ku jinê xurt û bilind bike, vîna wê ye."
Jinên TJA'yî û HDP'î ku li Islahiye û Nûrdaxiyê serdana jinan kirin, peyama "Em ê birînên xwe bi hev re bicebirînin" dan. Her wiha TIR'ên Mor ên çûn gundan, ji bo jinên mexdûrên erdhejê hatin valakirin.
TJA û Meclisa Jinan a HDP’ê ku di çarçoveya bernameya 8’ê Adarê ya li Islahiyeyê de hatin gelhev ev peyam dan: “Em ê jinekê bi tenê jî ji wijdanê dîktator re nehêlin.”