WAN - Navên welatiyên di serê sibehê de li ser rêya Colemêrg-Wanê qeza kirin û ketin bendavê diyar bûn.
Îro di danê sibehê de wesayîteke sê kes tê de bûn û ji Colemêrgê dihat Wanê, li nêzî navçeya Payîzavayê qeza kir û kete Bendava Zernekê. Ji welatiyên ketin bendavê cenazeyên 2 kesan hatin dîtin. Hat zanîn ku ji welatiyên cenazeyê wan hatin dîtin yek jê Rojhat Durgun (21) û yê din jî Cîhat Durna (20) ye. Hat zanîn ku her du ciwan jî ji navçeya Geverê ya Colemêrgê ne.
Xebatên ji bo lêgerîn-rizgarkirinê yên ji bo Furkan Ozdemîr jî berdewam in.