Hevşaredarên Bajarê Mezin a Wanê bal kişandin ser berxwedana gel a ji bo xwedîderketina li vîna xwe û diyar kirin ku rizgariya Tirkiyeyê bi rêveberiyeke demokratîk, wekhevîparêz, piranîparêz û azadîxwaz pêkan e.
Parlamentera DEM Partiyê ya Mêrdînê Saliha Aydenîz ku di serdanên Herêma Federe ya Kurdistanê de cih girt, diyar kir ku ji bo banga Abdullah Ocalan xwedîderketineke baş heye û got: “Ji bo banga birêz Ocalan veguhere aştiyê, yekitiya neteweyî ya gelê Kurd girîng e.”
Welatiyên Cizîrê ku krîza aborî bandoreke mezin li ser dike, diyar kirin ku sedema krîzê îktîdar e û gotin tiştên dijîn zilm e.
Xelkê Amedê bertek nîşanî gavneavêtina dewletê ya li hemberî banga dîrokî ya Abdullah Ocalan da û got: “Tecrîd hêj didome. Divê Rêber Apo azad bibe. Nexwe pêvajo pêş nakeve.”
Abdullah Ocalan, ev peyam şand: "Di Newrozê de gelê me bi coşeke mezin xwedî li Banga Aştî û Civaka Demokratîk derket. Ez vê xwedîderketinê silav dikim. Ez Newroz û Cejna Remezanê ya gelê me pîroz dikim."
Abdullah Ocalan û girtiyên din ên li Îmraliyê Omer Hayrî Konar, Hamîlî Yildirim û Veysî Aktaş bi boneya Cejna Remezanê bi xizmên xwe re hevdîtin kirin.
KNK’ê bi boneya sala 78’emîn a darvekirina Qazî Mihemed û rêhevalên wî daxuyanî da û bi bîr anî. KNK’ê got: “Gelê Kurd dê bi xwedîderketina li Qazî Mihemed û hevrêyên wî têkoşîna xwe bidomîne.”
Rêxistina DEM Partiyê ya Amedê li Qada Şêx Seîd cejna gel pîroz kir.
Guler Bîlen ku piştî 32 salan ji girtîgehê hate berdan, bi girseyî hate ziyaretkirin.
DEM Partî û AKP’ê piştî 10 salan cejna hev pîroz kirin. Resûl Kurt ê AKP’î diyar kir ku civak xwedî li banga dîrokî ya Rêberê Gelê Kurd Abdullah Ocalan derketiye.
Hevseroka Giştî ya DEM Partiyê Tulay Hatîmogûllari di pîrozbahiya cejnê de diyar kir ku Rêberê Gelê Kurd Abdullah Ocalan ji bo civaka demokratîk biisrar e û got: “Têkoşîna demokrasiyê di qonaxeke pir girîng de ye. Divê em ji bo aştiyê bêhtir hewl bidin.”
Jina bi navê Dîlan Aslan li Amedê ji hêla hevjînê xwe ve hate qetilkirin.
Şandeyeke MHP’ê bi wesîleya cejnê hat serdana DEM Partiyê. Di hevdîtinê de bal kişandin ser banga Rêberê Gelê Kurd Abdullah Ocalan û hate gotin ku li pêşiya Tirkiyeyê firsendeke dîrokî heye.
Partiya Îslamî ya Kurdistanê bi boneya sala 78’an a darvekirina Pêşewa Qazî Mihemed û rêhevalên wî daxuyanî da û bi bîr anî. PÎK’ê got: “Hemû S¸ehi^de^n Kurdistane^ serbilindi^ u^ serfiraziya me ne.”