Rêxistina Mafên Mirovan a Îranê ji NY’ê re nameyek şand û diyar kir ku Wezareta Îstîxbaratê bi filmê der heqê Werîşe Mûradî û Pexşan Ezîzî de parve kirî re hewl dide cezayê îdamê rewa nîşan bide û bertek nîşan da.
Navenda Mafên Zarokan FÎSA’yê rapora xwe parve kir û got ku di sala 2024’an de herî kêm 777 zarok ji ber sedemên ku dikariya pêşî lê were girtin jiyana xwe ji dest dane.
DEM Partiyê li bajarên Wan, Meletî, Îdir û Colemêrgê “Çalakiyên Aştiya Civakî û Azadiyê” li dar xist. Tayîp Temel di hevdîtina li Wanê de got ku Abdullah Ocalan 26 sal in pêşniyara çareseriyê dike.
Hevseroka Giştî ya DEM Partiyê Tulay Hatîmogûllari di mitînga li Esenyurtê de bal kişand ser peyamên Abdullah Ocalan û wiha got: “Birêz Abdullah Ocalan gavê avêt. Lê hikûmet û dewletê gav neavêtiye. Divê di serî de tecrîdê rakin.”
Hevseroka Giştî ya DBP’ê Çîgdem Kiliçgun Uçar di “Çalakiya Aştiya Civakî û Azadiyê” de axivî û got: “Divê birêz Ocalan bi rêxistin û girseya xwe re be. Dewlet çima li bendê ye ku tenê aliyê din gavan biavêje? Heke jidil be bila ew gavan biavêje.”
Navenda Ragihandina HSD’ê diyar kir ku hêzên li dijî dewleta tirk û komên wê yên paramîlîter çalakiyên bibandor li dar xistine û di çalakiyan de herî kêm 4 endamên komên paramîlîter hatine kuştin.
Hêzên Ewlekariya Hundirîn da zanîn ku di êrişa dewleta Tirk a li dijî gundê Aşmê de ji heman malbatê 10 kes birîndar bûne û êriş şermezar kir.
Çalakiya nobetê ya li dijî êrişên dewleta tirk û komên wê yên paramîlîter li Bendava Tişrînê hatiye destpêkirin di roja 26’an de didome.
Di erdhejan de yek ji bajarê herî zêde hilweşiyayî jî Hatay bû. Bi ser erdhejê re 2 sal derbas bûn lê ji bilî demê tu tiştek neguherî. Cihê mayinê, perwerde û tendurist jî di nav de pirsgirêkên di gelek qadan de hêj didomin.
Hevserokê Meclisa Civaka Ermen a Hesekê Îmad Teteryan diyar kir ku ew di nava Rêveberiya Xweser de bi nasnameya xwe hene û wiha got: “Em berhemên neteweya demokratîk yekser dijîn. Lewma weke gelê Ermen banga me ew e ku ev komkujî di zûtirin demê de bên sekinandin.”
Welatiyan bertek nîşanî bihayê xaniyan û kirêyan dan û gotin ku ev 40 sal in budçeya gel ji bo şer tê xerckirin û xwestin pirsgirêka Kurd li Meclisê were çareserkirin.
Hîmê Termînala Otobûsan a Qersê di sala 2007’an de hate avêtin lê hêj neketiye meriyetê. Hêj ne diyare dê kengî ji xizmetê re bê vekirin.
Dewleta tirk li gundê Aşme yê Kobanê malek bombebaran kir. Di bombebaranê de 7 jê zarok 10 kes birîndar bûn.
Çalakiyên li dijî tayînkirina qeyûm li Şaredariya Akdenîz a Mêrsînê dewam dike. Di çalakiya li ber avahiya şaredariyê hat lidarxistin de bertek li dijî tayînkirina qeyûm hat nîşandan. Hevseroka Giştî ya HDP'ê Sûltan Ozcan got, "Qeyûm bûye rejîmek" û banga têkoşîna hevpar kir.