Berdevka Meclisa Jinan a DEM Partiyê Halîde Turkoglû di meşa 25’ê Mijdarê ya Wanê de axivî û diyar kir ku ew li dijî zîhniyeta dijminatiyê li jinan, gelan û civakê dikin têdikoşin û wiha got: “Li dijî vê zîhniyetê dê jinên li ber xwe didin bi ser kevin.”
Bi biryara wezareta karên hundir li 5 şaredariyên DEM Partiyê û li 2’yên CHP’ê qeyûm hatin tayînkirin. Karê ewil ê qeyûman jî bû hedefgirtina kurdî û navendên jinan.
Serdozgeriya Komarê ya Edeneyê derheqê kesên di çalakiyên protestokirina qeyûman de ji hêla polîsan ve hatibûn derbkirin, bi îdiaya “ji bo peywirê nede kirin li ber xwe da” lêpirsîn da destpêkirin.
Bi hinceta dîmenên di dema çalakiyên Kobanê de kişandibû li rojnameger Rojhat Dogru cezayê muebbetê hatibû dayin. Îtîraza li dijî cezayê hate redkirin.
Zilamên bi boneya 25’ê Mijdarê li Amedê bi dirûşma “Jin, jiyan, azadî” çalakî li dar xistin bertek nîşanî qedexeya walîtiya Amedê ya ji bo “Jin, Jiyan, Azadî” dan û gotin: “Heta jin azad nebe, civak jî azad nabe.”
Hevseroka MATUHAY-DER’ê Dîlek Sonmez Demîr diyar kir ku TUHAY-DER’ê li dijî cezakirina kesên pereyan ji girtîgehan re dişînin kampanyaya şandina pereyan daye destpêkirin û bang li her kesî kir ku tev li kampanyayê bibin.
Ji ber barîna zêde li gundê Dihemê yê Qoserê malek tebiqî û 2 welatiyên di bin de mabûn birîndar bûn.
Heft şaredariyên DEM Partiyî bi boneya 25’ê Mijdarê Roja Têkoşîna li Dijî Tundiya Ser Jinê ya Navneteweyî 9 saziyên jinan vekirin.
Meteorolojiyê ji bo gelek bajarên bakurê Kurdistanê hişyariya barîna berf û baranê kir.
Hevşaredara Dêrsimê Bîrsen Orhan ku bi şertê hefsa malê hate berdan, wiha got: “Axaftina min a weke sûc nîşan dayin heqîqet e û em ê dev ji bilêvkirina wê heqîqetê bernedin.”
Rojnameya Xwebûnê bi manşeta “Heta hetayê Jin Jiyan Azadî” derket.
Hevşaredara Dêrsimê Bîrsen Orhan ku di roja li şûna wê qeyûm hatî tayînkirin derheqê wê de biryara binçavkirinê hatibû dayin, piştî karûbarên li emniyetê sewqî edliyeyê hate kirin.
Tayînkirina qeyûman a li şaredariyên Dêrsim û Pulurê li gelek bajaran hatin protestokirin.