Li Riha, Amed û Antalyayê girtina kesên ji ber gerandina govendê ya li ber stranên kurdî bi gerandina govendê hate protestokirin. Hevserokê DEM Partiyê Bekîr Karakeçîlî wiha got: “Gerandina govendê ne sûc e lê her hewldana li dijî vê yekê sûc û nijadperestî ye.”
Hevseroka Giştî ya DEM Partiyê Tulay Hatîmogûllari ku di çarçoveya kampanyaya “Nan û Edaletê” de li Êlihê bi kedkaran re hate bahev wiha got: “Bêkarî, xizanî, birçîbûn û bihabûna jiyanê ewqasî kûr bûye ku gotin têrê nake ku bêjin kêr gihişte hestî. Niha kêr hestî derbas kiriye.”
Hevseroka Giştî ya DEM Partiyê Tulay Hatîmogûllari çû serdana Fîlîz Taşkesen ku bi hinceta “Govenda kurdî” 3 zarokên wê hatine girtin û cezayê hefsa malê li wê jî hate birîn.
Xizmên girtiyan li pêşiya Girtîgeha Jinan a Bakirkoyê çalakiya “Deng bide azadiyê” li dar xistin. Çalakvanan xwestin ku tecrîda li Îmraliyê bê rakirin û gotin ku heta binpêkirin bi dawî dibin dê çalakiya xwe bidomînin.
Hewldana Edaletê ya ji bo Roboskê di meha 151’emîn a komkujiyê de wiha got: “Necezakirina bi destê pergalê ev 657 hefte ne didome û ev 4 hezar û 596 roj in em li edaletê digerin.”
Zaroka bi navê Hîranûr Oner a li navçeya Payîzavayê ketî Bendava Zernekê, jiyana xwe ji dest da.
Bi hinceta ku di dawetên dîrok û cihên wan cuda yên Stenbolê de li ber stranên kurdî govend gerandine, 18 kes hatibûn binçavkirin. Ji binçavkiriyan 11 jê hatin girtin.
Di bin sîwana Şaredariya Wêranşarê de Konseya Bajar hate avakirin. Hevşaredar Bedriye Yorgun got: “Em bi hev re bi ser ketin, dê bi hev re birêve bibin.”
ROJIN’ê bi daxuyaniyekê bang li her kesî kir ku li dijî biryara îdamê ya rejîma Îranê ya ji bo rojnameger Pexşan Ezîzî û aktîvîst Şerîfe Muhammedî bikevin nava tevgerê û biryarê bidin sekinandin.
Xebatkara MKM’ê Dîlan Suyu bertek nîşanî binçavkirin û girtina kesên govendê digerînin û dirûşman berz dikin da û wiha got: “Banga min ji bo kurdan ew e ku li her devera lê ne bila govendê bigerînin û dirûşman berz bikin.”
Ji gundên Herêma Federe ya Kurdistanê ku bi darê zorê hatin valakirin û ji bo tiştên xwe derxînin 9 saet muhlet jê re hatiye dayîn, malên şewitî û hilweşiyayî man.
Rahîme Abayay ku birayê wê Nûnerê Kovara Ozgur Halkê yê Êlihê Öetîn Abayay 32 sal berê ji hêla Hîzbûlkontra-JÎTEM’ê ve hatibû qetikirin wiha got: “Rastiyek heye, ew jî têkoşîna birayê min îro jî tê domandin.”
Parlamenterê DEM Partiyê Omer Faruk Hulaku da zanîn ku li dijî bikaranîna tiryakê ya li Çewligê gelek caran bang li rayedaran kirin û mijar xistine rojeva Meclisê jî lê dîsa jî tevdîr nehatine girtin. Hulaku, got: “Li dijî bazirganiya tiryakê û bikaranîna wê tevdîr nayên girtin.”
Rojnameger Bêrîtan Zagros destnîşan kir ku Tirkiye dixwaze Herêma Federe ya Kurdistanê bi Tirkiyeyê re girê bide û bal kişand ser rola PDK’ê ya di vê plansaziyê de.
Kerem Arvas ê li Tetwanê ji hêla leşkerên derketine operasyonê ve îşkence dîtiye, tevî ku gilî hate kirin jî îfadeyên leşkeran nehatin girtin û derbarê dosyeyê de biryara “neşopandinê” hate dayîn.