Hevberdevkê Karên Derve yê KON-MED’ê yê Almanyayê Zana Serhed anî ziman ku heta tecrîd bi dawî nebe ne pêkane pêvajoyeke aştiyê dest pê bike û wiha got: “Heke çareseriyeke jidil bê xwestin divê deriyên Îmraliyê bên vekirin û Rêber Apo bê azadkirin.”
Berdana Şakîr Akkûrt ê 30 sal in girtî ye vê carê ji ber ferzkirina “derbasbûna qawişa kesên bêalî” qebûl nekir 6 mehan hate taloqkirin. Dayika Akkûrt, Enîse Akkûrt, bi lêv kir ku bi şewitandina înfazê gef li kurê wê tê xwarin.
Mehmet Ortekîn ê li gundê Verezûz ê navçeya Miksê ku zivistan 6 mehan lê dewam dike amadekariyên xwe yên zivistanê didomîne, anî ziman ku ew xwarina xwe di binê erdê de depo dikin û got: “Bêguman dema em li binê erdê depo dikin, tehma xwarinê hîn baştir dibe.”
253’yemîn hejmara Rojnameya Xwebûnê bi manşeta “Çareserî li Îmraliyê ye” derket. Rojnameyê bi vê manşetê bal kişand ser niqaşên “çareseriyê” yên ku beyî Rêberê PKK’ê Abdullah Ocalan tên kirin.
arlementerê Rihayê Omer Ocalan ê ku bal kişand ser tecrîda li dijî Rêberê PKK’ê Abdullah Ocalan ji Serokkomarê AKP’î Tayyip Erdogan û Wezîrê Dadê Yilmaz Tunç re pirsa “Çima hiqûq nayê pêkanîn?” kir.
Hate aşkerekirin ku tevlibûna hilbijartinên giştî ya serdema şeşemîn a Parlamentoya Herêma Kurdistanê bû ji sedî 64.
Li gorî encamên hilbijartinê yên baroyên ku lijneyên xwe yên giştî pêk anîn Serokê Baroya Îzmîrê bû Sefa Yilmaz, Serokê Baroya Dîlokê bû Bulent Dûran û Serokê Baroya Wanê bû Sînan Ozaraz.
Mehmet Zekî Karataş ê Girtîgehên Ewlehiya Bilind ku bi salan lê hate ragirtin weke “goristanê” penase kir, li dijî binpêkirinên mafan banga hestiyariyê kir. Parlamenterê DEM Partiyê Alî Bozan jî bal kişand ser tecrîda li Îmraliyê û banga têkoşînê kir.
Hevserokê Giştî yê HDP’ê yê berê Selahattîn Demîrtaş dê metna bangê bide Serokê Giştî yê CHP’ê Ozgur Ozel ku wê sibê biçe serdana wî.
Rêxistina DEM Partiyê ya Edeneyê malbatên Oz û Demîr ên di navbera wan de dijminatî hebû li hev anîn.
53’yemîn Lijneya Giştî ya Baroya Stenbolê bi encam bû. Namzetê Koma Parêzerên ji bo Guherînê Îbrahîm Kaboglû bi 7 hezar û 219 dengan bi ser ket.
Dengdayîna ji bo hilbijartinên serdema 6’emîn a Parlamentoya Herêma Kurdistanê bi dawî bû.
Qedexeya derketina kolanan a li gundên Elfan û Barmanê yên navçeya Stewrê hatin rakirin. 4 kesên hatin binçavkirin li femandariya cendirmeyan tên ragirtin.
Komên paramîlîter ên girêdayî dewleta tirk bi topên hewanê êrişî gundê El Fetsa yê Eyn Îsayê kirin. Di êrişê de 3 zarok hatin qetilkirin.