Fermandariya Giştî ya HSD’ê bi daxuyaniyekê diyar kir ku armanca êrişên dawî dagirkirina tevahiya Sûriyeyê ye. HSD’ê, şerê heyî weke “Şerê namûs û insanetiyê” nirxand û bang li gel û ciwanên herêmê kir.
Hêzên Parastina Cewherî yên Şehbayê ragihand ku pêşketina komên paramîlîter dane sekinandin. HPC’ê da zanîn ku di pevçûnan de 4 şervanên wan jiyana xwe ji dest dane.
Rêveberiya Xweser a Bakur û Rojhilatê Sûriyeyê li dijî êrişên komên paramîlîter ên dewleta tirk seferberî ragihand.
Parlamentera DEM Partiyê ya Amedê Adalet Kaya diyar kir ku Tirkiye ji bo tunekirina kurdan tifaqê bi çeteyên cîhadîst re dike û wiha got: “Di çareseriyê de muxatab diyar e. Tecrîdê rakin û dest bi muzakereyên bi birêz Abdullah Ocalan re bikin.”
Çavdêriya Mafên Mirovan a Sûriyeyê di rapora xwe de eşkere kir ku di meha mijdarê de 31 zarok û 20 jê jin bi giştî 176 sivîlan jiyana xwe ji dest dane.
Ahmet Kolakan ê 33 sal bûn di girtîgehê de, ji Girtîgeha bi Ewlekariya Bilind a Antalyayê hate berdan.
Parlamenterê DEM Partiyê Omer Ocalan diyar kir ku li Rojhilata Navîn siyaseta “xwînê” tê meşandin û wiha got: “Şerte ku di vê pêvajoyê de kurd bên naskirin. Weke hûn jî dibînin, bi zîhniyeta DAIŞ’ê çav berdane destekftiyên kurdan. Divê em tifaqa xwe mezin bikin.”
Balafirên dewleta tirk Çiyayê Xêrê yê li ser sînorê Dihokê bombebaran kir.
Li gundên Şewarxa û Malikiyê yên navçeya Şerayê di navbera HRE û komên paramîlîter de pevçûnên dijwar diqewimin.
Nobeta li Miksê li dijî tayînkirina qeyûm hatiye destpêkirin di roja 3’yemîn de didome. Li dijî qeyûm bi dirûşma “Qeyûm talan e berxwedan jiyan e” meş hat lidarxistin.
Hat diyarkirin ku artêşa Sûriyeyê sewqiyateke mezin a leşkerî ber bi Hemayê ve kir.
Rejîma Îranê cezayê darvekirinê da welatiyê Kurd ê ji Urmiyeyê Mîhrab Abdul Zade.
Li gorî ankêta Navenda Lêkolînên Qadê ya Sosyo Polîtîkê, mezintirîn pirsgirêka welêt “krîza aborî ye” û piraniya beşdaran gotin ku çavkaniya hemû pirsgirêkan, pirsgirêka kurd e.
Di navbera Hêzên Rizgariya Efrînê û komên paramîlîter ên girêdayî dewleta tirk de li gundên Radar û Şealê pevçûnên dijwar diqewimin.
Endama Desteya Serokatiyê ya PYD’ê Foza Yûsif diyar kir ku Îsraîl hewl dide şerê li dijî Hîzbullahê veguhêze Sûriyeyê û ev tişt anî ziman: “Şerê tê kirin, berjewendiyên dewleta dagirker esas digire. Lê heke veguherin gefeke li ser herêmên me, em ê di çarçoveya şerê gel ê şoreşgerî xwe biparêzin û berjewendiyên gelê xwe ser her tiştî re bigirin.”