Qeyûmê Şaredariya Bajarê Mezin a Wanê ku sepanên JINKART û Qerta Sosyal betal kir, bursên xwendekaran jî da sekinandin. Ji bo bursa xwendekaran bidome, ji xwendekaran belgeya sicîla edlî xwest.
Endama Akademiya Dîplomasiyê ya PYD’ê Îlham Mihemed, diyar kir ku çareseriya pirsgirêka Kurd dê bandorê li Bakur û Rojhilatê Sûriyeyê jî bike û got: “Dema êriş sekinînin, em ê paradîgmaya azadiya jinê, demokratîk û ekolojîk baştir cîcibî bikin.”
Parêzer Mehdî Ozdemîr diyar kir ku Abdullah Ocalan di mijara çareseriyê de di pozîsyona garantoriyê de ye û wiha got: "Ji bo pêvajo baş derbas bibe divê sererastkirina di mijara 'mafê hêviyê' de tavilê bê kirin."
D.D.yê ku piştî ji PKK'yê veqetiya bi rêya "qanehkirinê" teslîmî Tirkiyeyê bû, piştî hat girtin cezayê muebbedê lê hat birîn.
Parlamenterê berê yê AKP'ê Abdulbakî Erdogmuş anî ziman ku Abdullah Ocalan bi vê bangê erka xwe pêk aniye û got: "Niha jî divê yên din erka xwe pêk bînin. Muxatab desthilata siyasî ye."
Der barê rojnameger Dîren Yurtseverê de bi hinceta nûçeya bi serenavê "Di Doza Kobanê de dê îtîrafkar bên guhdarkirin" doz hat vekirin.
Nivîskarên Kurd Mevlut Aykoç, Samî Tan û Ronayî Onen hatin binçavkirin.
Danişîna doza Hevşaredarê Artukluyê Mehmet Alî Amak û 4 kesên din jê dihatin darizandin, hate taloqkirin.
Partiyên çep û sosyalîst li Edeneyê di çarçoveya kampanyaya “Ev wiha nabe” de daxuyanî dan û xwestin ku ji bo demokratîkbûnê gav bên avêtin.
Çalakiya nobetê ya li dijî navçeya Akdenîzê li dijî tayînkirina qeyûm hatiye destpêkirin didome. Hevserokê DEM Partiyê yê Akdenîzê Nizar Esen diyar kir ku sepanên qeyûm, li dijî pêvajoyê ne.
Şandeya DEM Partiyê ku Hevserokên Giştî Tulay Hatîmogûllari û Tuncer Bakirhan jî di nav de ne, dê di 10’ê Adarê de biçe serdana CHP’ê.
Platforma Alimên Olî ya Stenbolê bi daxuyaniyekê ragihandin ku ew xwedî li banga “Aştî û Civaka Demokratîk” a Abdullah Ocalan derdikevin.
Odeya Bijîşkan a Amedê xelata “Aştî, Dostanî û Demokrasiyê” ku her sal dide, îsal da DFG û Serokê Baroya Stenbolê Îbrahîm Ozden Kaboglû.
Navenda Ragihandinê ya HSD’ê ragihand ku hêzên wan 2 balafirên bêmirov ên dewleta tirk li derdora Bendava Tişrînê xistine.