Li Mêrdînê tayînkirina qeyûman bi meşekî girseyî hat protestokirin. Hevşaredar Ahmet Turk got: "Êdî tu kes nikare gelê kurd bixapîne. Tu kes êdî nikare gelê kurd bişkîne."
Li Stenbolê û Enqereyê di çalakiyên ji bo girtiyên nexweş de hat xwestin girtiyê nexweş Dede Anil û Melek Akgun bên berdan.
Li Wanê TJA’yê starta çalakiyên 25'ê Mijdarê da û got: "Em azadiya jinê di têkbirina tecrîdê de dibînin. Li dijî tecrîdê em ê di 25’ê Mijdarê de her kolan û taxên Wanê veguherînin qada çalakiyê. Em ê bi têkbirina tecrîdê azad bibin."
Dayikên Şemiyê cara 1024'an çûn Qada Galatasarayê û li aqûbeta Mehmet Şîrîn Bayram û Ramazan Tekîn ên 28 sal in aqûbeta wan nayê zanîn pirsîn.
Di çalakiyên ji bo aqûbeta windayan hatin lidarxistin de hat diyarkirin ku ji ber neçareserkirina pirsgirêka kurd windakirinên di binçavan de û cînayetên faîl nediyar pêk hatin û daxwaza edaletê hat kirin.
Gelê Êlihê di roja 6’emîn a tayînkirina qeyûman de berxwedana xwe didomînin û diyar kirin ku ew ê polîtîkayên qeyûman qebûl nekin û gotin: “Berxwedana me didome, em ê tu carî xiyanetê li dîroka xwe ya berxwedanê nekin. Em ê teqez bi ser bikevin."
Platforma Tenduristiyê ya Amedê bi dirûşma 'Bi civaka tenduristî ber bi pêşerojeke azad ve' komxebatek lidar xist. Di komxebatê de bal hat kişandin ser bandora polîtîkayên neo-lîberal ên li ser vê qadê û hat gotin ku divê li dijî vê meclîsên tenduristiyê bên damezrandin.
Medenî Erol ê ku ji sedî 70’ê astengdar e û bi îşkenceya kuçikan hatibû binçavkirin bi şertê hepskirina malê hat berdan.
Jinên siyasetmedar li Xelfetiyê tayînkirina qeyûm şermezar kirin û gotin: “Qeyûm ne çareserî ne. Rêya çareseriyê di Îmraliyê re derbas dibe.”
DEM Partiyê bi daxwaza rêvebirina tayînkirina qeyûmên ser şaredariyên Mêrdîn, Êlih û Xelfetiyê bê rawestandin, serlêdan kir.
Ciwanên Êlihê şeva bihûrî jî li dijî tayînkirina qeyûm li qadan bûn û heta derengiya şevê çalakiyên xwe domandin.
Danişîna doza têkildarî qetilkirina Narîn Guran hatiye vekirin di roja sêyemîn de berdewam dike.
Hevşaredarên DEM Partiyê yên Rihayê bertek nîşanî tayînkirina qeyûm dan û gotin ku ew ê destûrê nedin qeyûm.
Rêxistinên pîşeya rojnamevaniyê banga berdana rojnamevan Mizgîn Sonuk ku nexweşiya penceşêrê lê peyda bûye kirin û xwestin dawî li tundiya li ser rojnamevanan bê anîn.
Endama ÇHD'ê Parêzer Gul Kireçkaya biryara "binpêkirina mafê hêviyê" ya ku DMME'yê der barê Rêberê PKK'ê Abdullah Ocalan de dabû bi bîr xist û destnîşan kir ku eger ev biryar neyê pêkanîn, dibe ku Tirkiye ji Konseya Ewropayê (KE) bê derxistin.