Nûnerên partiyên sosyalîst, diyar kirin ku îqtidar ji bo li ser pêyan bimîne tezkereyan çêdike û şer dike rojev û li dijî vê bal kişandin ser têkoşîneke "yekbûyî".
Platformên Jinan ên Tarsûs û Mersînê, bi daxuyaniyekê ragihandin ku li Tarsûsê fihûş li gelek jinan hatiye ferzkirin û ev tişt got: "Heb dane zarokekê wê ji cihê karê wê revandine. Piştre jî dest dirêjî wê kirin e û li qerexê rê berdane."
Hevberdevaka HDK'ê Esengul Demîr, diyar kir ku tezkereyên şer qrîza li welat bêtir kûr kirine û ev bang kir: "Li dijî boçûna tarî divê hemû muxalîf hêzên xwe bikin yek."
Hevserokê KCD’ê Berdan Ozturk ê di hevdîtina ‘Dema Azadiyê’ ya li navçeya Wêranşarê de axivî, bal kişand ku Tirkiye li Herêma Kurdistana Federe gaza kîmyewî bi kar tîne û wiha got: “Heke îro hişmendiyeke ji Saddam qirêjtir hebe, ew jî desthilata Erdogan û Bahçelî ye.”
Parlamentera HDP'ê Feleknas Ûca, angaştên bikaranîna çekên kîmyewî ku tê gotin Artêşa Tirk di êrişên xwe yên li Herêma Kurdistanê de bi kar tîne bir rojeva meclisê û pirs kir ku ev mijar tê lêkolînkirin an na.
Berdevka HDP'ê Ebrû Gunay bang li her kesî kir ku li ber tecrîda li Îmraliyê rabe. Gunay diyar kir ku AKP-MHP sûcdarên şer e û destnîşan kir ku wê komara demokratîk ava bikin.
HDP’ê xwest ku ferzkirina lêgerîna tazî û îşkenceya li girtiyê ji sedî 90 astengdar Şaban Kaygûsûz ê dema sewqkirina wî ya Girtîgeha Bunyanê hatiye kirin were lêkolînkirin.
Li Lijneya Giştî ya Meclisê, hevdîtinên tezkereya Iraq û Sûriyeyê dest pê kir.
Parlamenterên HDP’ê li Desteya Giştî ya Meclîsê diwîzên “Tezkere şer e”, “Şer li jinan dide”, “Tezkere xizanî ye” û “Tezkere mafyayê xwedî dike” hildan.
Hevseroka Giştî ya HDP’ê Pervîn Bûldan destnîşan kir ku tezkereya derveyî sînor dijminatiya kurdan e û bang li muxalefetê kir û got: “Ên ku cihê çareseriya pirsgirêka kurd parlamento nîşan didin divê ji tezkereyê re bêjin na.”
Serokwekîlê Koma CHP'ê Ozgur Ozel, diyar kir ku wê CHP ji tezkereyê re bibêje "na".
Serokwekîlê Koma HDP’ê Sarûhan Olûç, bang li muxalefet kir ku ji tezkereyê re bibêjin “na” û ev tişt got: “Em dixwazin ku şerê 10 sal in li Sûriyeyê didome bi rêbazên demokratîk bê çareserkirin. Em ê ji tezkereyê re bibêjin na.”
Hat diyarkirin ku wê di hevdîtina Tayyîp Erdogan û Devlet Bahçelî de îlankirina "mirovên nayên xwestin" a 10 sefîran û êrişma muhtemel a li dijî Bakur û Rojhilatê Sûriyeyê bê axaftin.
Dr. Arzû Yilmaz diyar kir ku derbaskirina tezkereyan a li ser “PKK’ê û gefa kurdan” a bi rêya parlamentoyê pirsgirêkeke pir cidî ye û wiha got: “Divê mûxalefet li dijî van tezkereyan helwesteke zelaltir nîşan bide û nebe hevkarê vî sûcî.”
Hevserokê Giştî yê HDP'ê Mîthat Sancar, têkildarî belgeya helwesta partiya wan, li Antalyayê bi rêxistinên civakî yên sivîl re civiya. Sancar bang li muxalefetê kir û got: "Ji tezkereya şer re bêjin na."