Belgeyên nû yên ruşwetê yên Şêwirmendê Qeyûmê Şaredariya Bajarê Mezin ê Mêrdînê û Walî Mustafa Yaman, Bulent Erdolu derketin holê. Li gorî van belge û fatûrayan, maşîna ku ji bo Serokomar Erdogan bi 375 tl kirê kirin, heman maşîne ji bo Wezîrê Karên Hundir Soylu bi hezar û 100 tl krî kiriye.
Li dijî permezarkirinên qeyûman, polîsan avahiya HDP’ê ya Adenê û gelek cih dorpêç kirine. Bi biryara qedexeya 15 rojan a walîtiyê re, ketin û derketin avahiya HDP’ê tê astengkirin. Hevseroka HDP’ê ya Bajar Gulseren Tural a ket avahiya partiya xwe û derket, pereyê ceza lê birîn.
Hevserokê Giştî yê HDP'ê Sezaî Temellî, Komeleya Hîndekarên Zanîngehê ziyaret kir. Temellî, diyar kir ku meseleya herî girîng a Tirkiyeyê 'Meseleya demokratikbûnê ye' û wiha got: "Em li dijî bê hiqûqîyê bi hevre tev bigerin. Em bêtir dengê xwe bilind bikin."
Berdevkê HDP'ê Gunay Kubîlay, diyar kir ku di rewşe awarte de meclîs têkeve betlanê nayê qebûlkirin û wiha got: “Em wekî HDP'ê bang li AKP û MHP’ê ya zêdeya parlamenteran di destê wê deye dikin ku bi lez meclîsê kom bike.
Ekrem Îmamoglu, li Amedê bi hevşaredarên HDP’yî Selçûk Mizrakli û Ahmet Turk ên ji wezîfeyê hatin dûrxistin re hevdîtin pêk anî. Îmamoglu da zanîn ku divê ew vê pêvajoyê veguherînin fersendê û got: “A rast em ne ji bo Amediyan em ji bo Stenboliyan dengê demokrasiyê radigihînin. Divê em li vê erdnîgariya ji bo 82 milyonan demokrasiyê bînin.”
Endamê KÎD’ê Mehmet Emîn Ay di çalakiya rûniştinê ya li dijî qeyûman de axivî û got: “Yên bi zaliman re dimeşin gunehkar in, sûcdar in û di wîjdanê civakê de sûcdar in. Em ê jî li dijî qeyûman wek Îbrahîm ê li dijî Nemrûd li ber xwe da, li ber xwe bidin.”
Li Amedê jinan bi meşekê piştgirî da çalakiya rûniştinê ya li dijî tayînkirina qeyûm ku di roja 12'an de didome.
Berdevkê HDP'ê Gunay Kubilay, diyar ku li gel hemû zext û tundiya li dijî wan têkoşîna xwe ya demokratîk û rewa berdewam dikin û heta hevşaredarên wan dîsa li peyvirê vegerin wê bê navber çalakiyên xwe berdewam bikin.
Wezîrê Karên Derve Mevlût Çavûşoglû diyar kir ku heke çareseriyeke siyasî çêbibe dê ji Sûriyeyê derin û angaşt kir ku rejîm ji çareseriya siyasî bawer nake.
Parlementera HDP'ê Serpîl Kemalbay, got: "Ji bo tifaqa demokrasiyê, êdî wexta gavavêtina bi hev re hatiye. Êdî divê em zelal bin. Divê hêzên demokrasiyê gavên biwêrek bavêjin. Di serî de CHP û bi giştî tevahiya partiyên muxalof divê tenê qîma xwe bi şermzarkirinê neynin, bi berpirsiyarî tev bigerin."
Hevserokê Giştî yê HDP'ê Sezaî Temellî, gotina Serokomar Erdogan a hişyariya Qeyûmê nû kir nirxand û got: "Erdogan di bin eba xwe re çû nîşan dide. Bi gefên veşarî dixwaze îktîdara xwe biparêze. Divê Ahmet Davutoglu jî rexnedayîna xwe bide. Aqilê ku li ser dijminantiya HDP'ê siyasetê bike nikare bi ser bikeve. Tu tişti bi Tirkiye nade qezençkirin.
Cîgirê Hevserokên Giştî yê HDP'ê yê ji Rêxistinbûnê Berpirsyar Alîcan Onlu diyar kir ku heke tecrîd ranebe dê xesp bidomin û wiha got: "Heta tecrîd ranebe dê Tirkiye demokratîk nebe, civaka Kurdistanê azad nebe, Destûra Bingehîn a Demokratîk û aştiya bi rûmet pêk neyê."
Hevserokê HDP’ê Sezaî Temellî got ew li dijî qeyûman bêîtatiya sivîl berbelav dikin û got: “Yên me tune dihesibînin, bi tu awayî mafê wan nîne me bixin bin berpirsiyariyê. Em ne mecbûr in rizabûnê nîşanî derewên wan bidin û çavkaniyên xwe bidin talanger û dizekan.”
Lijneya Rêveber a Navendî (MYK) ya Partiya Demokratîk a Gelan (HDP) di Serokatiya Hevserokê HDP'ê Sezai Temellî de li dijî polîtîkaya qeyûm "nexşerêya" ji 3 pêngavan pêk tê amadekir. Li gorî vê planê li dijî qeyûman li 3 bajaran dest bi çalakiyên rûniştinê kirin. Di mijara li Meclîsê bi "Rojeva Lezgîn" ji bo civînê wê bang bikin û dest bi ziyaretên diplomatîk bikin.
Parlamentera HDP'ê Stenbolê Dilşat Canbaz, diyar kir ku îktidara AKP'ê bi tayînkirina qeyûman dixwaze hemû civaka Tirkiye tecrid bike û wiha got: “Divê her kes ji bo Amed Mêrdîn û Wanê rabe ser piyan. Divê her her kes eniya Tirkiye li dijî qeyûm rake ser piyan.