Hevserokê Giştî yê HDP'ê Mîthat Sancar, diyar kir ku wê Tifaqa Ked û Azadiyê bikin navnîşana têkoşîna hevpar û ev tişt got: "Tifaqa Ked û Azadiyê dest bi rêwitiya xwe kir. Em hêvî û alternatîf in."
Tifaqa Ked û Azadiyê di deklarasyona xwe de bal kişand ser pirsgirêka kurd û pirsgirêkên din ên Tirkiyeyê û wiha got: “Têkoşîna hevpar dê bibe meşek ku ber bi demokratîkbûnê ve gav bên avêtin.”
Berdevka HDP’ê Ebrû Gunay diyar kir ku Jîna Mahsa Amînî ku ji hêla rejîma Îranê ve hatibû qetilkirin sembola berxwedanê ye û wiha got: “Em piştgiriyê didin serhildana jinan a li Rojhilat mezin dibe û dibêjin serhildana we serhildana me ye. Pora Jîna Amînî dê bibe alaya jinên azad ên Rojhilata Navîn.”
Parlamenterê HDP’ê Garo Paylon ê ku li Sûrê avahiyên dîrokî lê hatin hilweşandin û şûna wan avahiyên weke girtîgehê hatin çêkirin lêkolîn kir û got ku tiştên li navçeyê hatine kirin xiyaneta li dîroka Amedê ye.
DBP’ê bi daxuyaniyekê gelê Rojhilat silav kir ku li dijî qetilkirina Mahsa Amînî derketin kolanan û li dijî rejîma Îranê çalakiyên protestoyî li dar dixe. DBP’ê diyar kir ku li dijî hemû êrişên ser jinan bersiva herî xurt, bi bihêzbûna têkoşîna azadiyê ya jinan pêkan e.
Endama Lijneya Rêveber a ATO’yê Ayşe Ugurlu da zanîn ku li Enqereyê bi darbeyeke sivîl re peymanên navneteweyî û mafên demokratîk hatine binpêkirin. Hevserokê KESK’ê Mehmet Bozgeyîk jî got ku ew van zextên li ser derdorên muxalîf ên civakî qebûl nakin.
Hevseroka Giştî ya DBP’ê Saliha Aydenîz diyar kir ku partiyên muxalefetê dixwazin serdemên tarî yên salên 90’î dîsa vegerînin û wiha got: “Bila kesek li ser kurdan hesaban neke.”
HDP, dê li Îzmîr, Aydin û Mûglayê di 19 û 20’ê îlonê de bi gel re bicive.
Rojnameger Mervan Ozdemîr diyar kir ku ji faktorên ku aloziya li Iraqê kûr dikin yek jê jî hevkariya Tirkiye û PDK'ê û got ku rizgariya Iraqê bi xwerêveberiya gelan û rêya sêyemîn pêkan e.
Hevberdevka HDK’ê Esengul Demîr bal kişand ser rola diyarker a hilbijêrên HDP’ê û wiha got: “Bi taybet jî hilbijêrên HDP’ê heta ku nîşaneyên guhertinekê nebînin, heta peymaneke civakî nebînin dê bi awayeke veşarî dengê xwe nedin muxalefetê.”
Şandeya HDP’ê li Xarpêtê pirsgirêkên esnaf û welatiyan guhdar kir. Şandeyê da zanîn ku partiya wan dikare hemû pirsgirêkên gel çareser bike.
Parlamenterê HDP’ê yê Antalyayê Kemal bulbul diyar kir ku dewlet li dijî elewiyan sûcên sîstematîk dike û wiha got: “Bacê ji elewiyan digire lê dide baweriyên din. Lê belê dema mijar dibe elewî, nade.”
Hevserokê KNK'ê Ahmet Karamus diyar kir ku bûyera Xelîfanê dê aloziyên di nava gelê kurd de kûrtir bike û wiha got: “Heke PDK partiyeke kurdistanî be, divê nebe şirîkê dewleta tirk û danûstindinên di navbera kurdan de xurt bike. Em di fînala şer de ne û hewceye rê li ber van aloziyan were girtin û kurd tifaqa xwe xurtir bikin.”
Hevserokê Giştî yê HDP’ê Mîthat Sancar diyar kir ku yên ku partiya wan sûcdar dikin bila di eynikê de li xwe binêrin û got: “Yên ku ne deng û wehdê wan hene, derdikevin hikmê xwe nîşanî me didin. Wê kes telîsê di destê mamê Alî Riza de ji bîr neke.”
Cîgirê Hevserokên Giştî yê HDP’ê Tayîp Temel nerazîbûna Partiya ÎYÎ ya li dijî partiya xwe nirxand û got: “Partiya ÎYÎ bi nasnameya xwe faşîst tê nasîn û dixwaze Tifaqa Millet dîl bigire. Bermayên gladyoyê yên kevn dîsa rê û rêbazan dibire.”