- Li gorî daneyên TUÎK’ê; di meha nîsanê de bêkarî li gorî mehek berê ji sedî 0,1 kêm bû û rêjeya bêkariyê bû ji sedî 8,5. TUÎK’ê diyar kir ku rêjeya hêza kar a betal ku ji hêza kar a potensiyel û bêkaran pêk tê jî derket ji sedî 27,2’yê.
Li bajaroka Dêrgulê ya Şirnexê karkerekî ku ji înşatê ket xwar jiyana xwe ji dest da.
Li Zongûldakê li kana madenê ya girêdayî Mueseseya Gelîk a TTK’ê hezaz çêbû û karkerek asê ma.
Koperatîfa Çandiniyê ya li dijî enflasyona xurekê pêşniyarên xwe pêşkeşkirin, xwest ku kargehên biçûk ên malbatan û koperatîfên xweser bên destekkirin.
TUÎK’ê enflasyona meha gulanê eşkere kir. Li gorî TUÎK’ê enflasyon di meha gulanê de ji sedî 3,7 û li gorî ENAG’ê jî bû ji sedî 5,66.
Dikandarek li Wanê kelûpelên kevn difiroşe. Ew bêtir li ser krediyê ango bi senede firotinê dike. Dikandar got ku hin welatî ji bo deynê karta xwe ya kredî û kirêya xwe bidin, kelûpelên xwe difiroşin.
Li navçeya Sêweregê 5 cotkarên ku li dijî rakirina trafoyên xwe yên bi hinceta “deynê ceyranê” heye derketin hatin binçavkirin.
Li navçeya Tarsûsê 57 karkerên li fabrîkayek plastîkê dixebitîn, ji xwarinê jehrî bûn û rakirin nexweşxaneyê.
Dema rakirina genim dest pê kir û niha çavê hemû cotkaran li TMO’yê ye ku bihayê erzantirîn ê genim û piştgiriya serê tonê diyar bike. Serokê Komeleya Cotkaran Mîkaîl Erbeyî yê dibêje “Cotkar pêşiya xwe nabînin” bang li hikûmetê kir ku demildest bihayê kêmtirîn ê genim were diyarkirin.
Gundiyên li dijî kana madenê ya li Marûnisê ev 40 roj in li ber xwe didin, xwestin piştevaniya wan were kirin û têkildarî kana madenê, li hêrêmê lêkolîn were kirin.
Esnafan ragihand ku zêdebûna fiyetên zêr daxwaza îmîtasyonê zêde dike û gotin ku ji ber krîza aborî heya ji destê welatiyan tê lêçûnên xwe kêm dikin.
Teqawîdên ku hewl didin di bin sînorê birçîtî û xizaniyê de debara xwe bikin bi gotinên “Heke pêdivî bi teserûfê hebe bila deriyê qesrê bê kilîdkirin” bertek nîşanî daxuyaniya desthilatê ya “teserûfê” da.
Dihat payîn ku di meha gulanê de bihayê zebze û fêkiyan erzan bibe lê ev bendewarî vala derket. Esnafên bazarê ji ber ku nikarin berhemên xwe bifiroşin û welatî jî ji ber ku nikarin bikirin bi gilî û gazincin.
Beşîr Ozkiliç ê li Sêrtê dijî, pîşeya xwe ya tamîrkirina pêlavan ku di 9 saliya xwe de weke berhosta destpêkiribû 50 sal in bi hezkirin didomîne.
Waniyan ku gotin "Êdî em nikarin kîloyek firingî jî bistînin" û bal kişandin ser krîza aborî, destnîşan kirin ku heya hikûmeta AKP'ê neçe û meseleya kurd neyê çareserkirin wê aborî baş nebe."