Serokwezîrê Îtalyayê yê berê Massimo D’Alema diyar kir ku banga dîrokî ya Rêberê PKK’ê Abdullah Ocalan bangekî erênî û bicisaret e û got: “Divê Tirkiye gavên şênber biavêje.”
SOHR’ê ragihand ku di nava 24 saetan de li herêmên di bin kontrola hikûmeta demkî ya Sûriyeyê de herî kêm 5 kes hatin kuştin.
Ji bo banga dîrokî ya Abdullah Ocalan dê li bajarê Silêmaniye ya Herêma Federe ya Kurdistanê ekranên ledê bên danîn.
KCDK-E’yê beriya banga dîrokî ya Abdullah Ocalan daxuyaniyeke nivîskî weşand û got: “Em bang li her kesî dikin ku li navendên civakê bên gel hev.”
Di encama ketina balafireke artêşa Sudanê de herî kêm 46 kesan jiyana xwe ji dest dan.
Boksorê Kurd Agît Kabayel li Riyadê hevrikê xwe yê Çînî Zhilei Zhang têk bir û di kategoriya giran a WBC'ê de bû şampiyonê cîhanê.
Li herêma Derayê goreke komî hate dîtin. Li gorî texmînan, zêdetirî 50 cenaze di gora komî de hene.
Li Peruyê banê navendeke kargehan tebiqî û li gorî agahiyên destpêkê; 8 kesan jiyana xwe ji dest dan û 80 kes jî birîndar bûn.
Serokwezîrê Îsraîlê Netenyahu ragihand ku heta berdana dîlgirtiyên din ên di destê Hamasê de tê misogerkirin, berdana 600 filistîniyên dîlgirtî heta demekê nediyar hatiye taloqkirin.
Şandeya DEM Partiyê ku di çarçoveya nîqaşên ser çareseriya demokratîk a Kurd çû Awûstralyayê, hevdîtinên xwe didomîne.
Hiqûqnas Ezio Menzione ku delîlên sûcên şer ên dewleta tirk li Bakur û Rojhilatê Sûriyeyê kirin pêşkeşî Dadgeha Gelan a Daîmî kir, wiha got: “Sûcê şer ê herî tirsnak, koçberkirina wan e.”
Zanyara Siyasetê Jino Victoria Doabî diyar kir ku ji ber rageşiya li hundir û zexta navneteweyî Îran bi krîzeke mezin a aborî dijî û got: “Îran krîzeke civakî jî dijî. Jixwe Îran li ber hilweşînê ye. Ev êdî ne tenê hîpotezek, rastiyek e.”
Bi deh hezaran kesên bi daxwaza azadiya fîzîkî ya Rêberê PKK’ê Abdullah Ocalan û şermezarkirina komploya 15’ê Sibatê li Strasbourgê hatin gel hev, xwestin têkoşîna azadiyê were mezinkirin.
Bi dehhezaran kesên ji bo protestokirina Komploya Navneteweyî û bi daxwaza azadiya fîzîkî ya Abdullah Ocalan ji gelek welatên Ewropayê hatin Strasbourgê, dest bi meşê kirin.
Serokkomarê Iraqê tevî bertekan jî Qanûna Statuya Kesî, Qanûna Efûya Giştî û Qanûna Vegerandina Mal û Milkan erê kir.