- Xoşnav Ata, diyar kir ku biraziyên wê Mîhrîban û Gulperîn Ata bi çekên kîmyewî hatine kuştin û bi çalakiya li pêş OPCW’yê daye destpêkirin re daxwaz dike ku çekên kîmyewî yên ku Tirkiye bi kar tîne bên lêkolînkirin.
Komîseriya Bilind a Mafên Mirovan a NY’yê da zanîn ku di encama êrişa Îsraîlê ya li dijî Xazeyê de 19 zarokên filistînî hatine kuştin.
Ji ber baranên Musonê li gelek deverên Pakistanê lehî rabûn û di encama lehiyan de herî kêm 549 welatiyan jiyana xwe ji dest da.
Di encama barana zêde de li gelek deverên Îranê lehî rabûn û hezaz pêk hatin. Di encama lehî û hezazan de herî kêm 53 kesan jiyana xwe ji dest dan û 16 kes jî winda ne.
Wezîrê Karên Derve yê Iraqê Fûad Hisên ji Konseya Ewlehiyê ya Neteweyên Yekbûyî xwest, biryarek li ser vekişîna Artêşa Tirkiye ya ji nav xaka Iraqê bide.
Serokkomarê Fransayê Emmanuel Macron di hevdîtina xwe ya bi Reîsî re de bertek nîşanî êrişên li dijî Bakur û Rojhilatê Sûriyeyê da û wiha got: “Di operasyoneke leşkerî ya li dijî Sûriyeyê de em piştgiriyê didin muxalefetbûna Îranê ya li dijî operasyonê.”
Parlamentoya Iraqê bi mijara taybet a li ser Qetlîama Zaxoyê bi beşdariya 242 endaman civiya.
Wezareta Karên Derve ya Iraqê, derbarê êrişên Tirkiyeyê yên li dijî xaka Iraqê de serî li Konseya Ewlehiyê ya Neteweyên Yekbûyî (KENY) da û xwest ku rûniştineke taybet pêk bîne.
Parlamentoya Iraqê wê îro li ser Qetlîama Zaxoyê ya ji aliyê Tirkiyeyê ve pêk hat, civînek taybet li dar bixe.
Neteweyên Yekbûyî (NY) komkujiya Tirkiyeyê ya li Zaxoyê şermezar kir û ev bang kir: “Divê di zûtirin demê de lêpirsîneke berfireh were destpêkirin.”
Şahidên komkujiya Tirkiyeyê ya li Perex a Zaxoyê ji çapemeniya cîhanê re axivîn û wiha gotin: “Em ber bi çiyayan ve diçin Tirkiye êriş dike. Em ber bi sûlavan ve diçin Tirkiye êriş dike. Ji çar aliyan ve êrişî me dike.”
Zanyarê Siyasetê Farshad Pisoureha diyar kir ku li lûtkeya Tehranê destûra dagirkirina Rojava ji Tirkiyeyê re nehatiye dayîn û wiha got: “Na NATO, ne Rûsya û ne jî Îran piştgiriyê nadin polîtîkaya Erdogan û bi wê polîtîkayê re nînin.”
Di salvegera 10’emîn a Şoreşa Rojava de Tirkiye, Rûsya û Îran li Tehranê civiyan.
Li Hindistanê ji ber lehiyê di nava 47 rojan de herî kêm 102 kesan jiyana xwe ji dest daye.
Li Efrîqaya Başûr li dijî du cihên şahiyan êrişên çekdarî hatin kirin û di encamê de 18 kesan jiyana xwe ji dest dan.