Danişîna 2’yemîn a doza cînayeta Fatma Altinmakas a di nava malbatê de rastî tecawizê hatibû û piştî bûyer gilî kir, ji aliyê hevjînê xwe Kazim Altinmakas ve hatibû kuştin, ji ber pandemiyê hat taloqkirin.
Parêzerê Hatûn Koç a di encama tundiyê de ji lingê xwe yê rastê astengdar ma Battal Gazî Încî, diyar kir ku wan derbarê Wezaretên Dadê û Karên Hûndirîn de doza tazmînatê vekirin û got: “Aliyekê sî sûcî daraz û miduriyeta polîsan e.”
Li gorî çeteleya JinNewsê ya tundiya zilaman di meha nîsanê de amade kiriye 17 jin hatin kuştin. 12 jinan bi awayekî guman jiyana xwe ji dest dan. Hat xwestin 5 jin jî bên kuştin.
22 parlamenterên HDP’ê tundiya çawişê pispor a li Çewlikê ya li dijî jinekê birin rojeva meclisê û bi daxwaza ku Alîkarê Serokkomar Fûat Oktay bibersivîne pêşnûmepirsekê dan Serokatiya Meclisê.
Li gorî daneyên KCDP’ê di meha nîsanê de 16 jin hatine qetilkirin û 14 jin hî bi awayekî bi guman jiyana xwe ji dest dan.
N.G. a li Îzmîrê bi tundiya derûnî re rûbirû ma li ŞONIM’ê geriya û piştevanî jê xwest. Vê saziyê jî ji N.G. têkildarî tundiyê rapor xwest. N.G. bertek nîşan da û got: “Ji bo ku dewlet me biparêze qey pêwîste cihek me were şikestin?’
CJWIJ'ê, da xuya kirin ku welatê herî zêde tundî li rojnamevanên jin tê kirin Tirkiye ye.
Rojnamegerên jin ku bi JINHA’yê bêhneke cuda bi rojnameberiyê dan kişandin, îro bi rêxistinên xweser, komîsyonên jinan ên rêxistinan, ajansên jinan, rojname, kovar û televîzyonan cudabûna jiyanê derxistine holê.
Komîsyona Lêkolînê ya bi Armanca Diyarkirina Sebebên Tundiya li Dijî Jinan û Girtina Tedbîran, Hatiye Avakirin" ya ji bo 3 mehan hatiye avakirin, yekemîn civîna xwe li dar xist. Endama Komîsyonê û Parlamentera HDP'ê Fîlîz Kerestecîoglu, diyar kir ku rola wan a di komîsyonê de vegotina girîngiya Peymana Stenbolê ye û dê di Peymana Stenbolê de israr bikin.
Li gundê Reşan ê navçeya Qelqeliyê jina bi navê Ş.A., bi awayekî biguman jiyana xwe ji dest da.
Parêzer Ebrû Demîrtepe bal kişand ser zêdebûna tundiya li jinan tê kirin û got jinên bi tundiya zayendî re rûbirû dimînin gelek ji wan ji ber zextên civakî bêdeng dimînin û ji saziyên fermî bawer nakin.
Biryara dîroka bi dawîbûna Peymana Stenbolê, d Rojnameya Fermî de hat weşandin.
Jina kongoyî ya bi 9 mehan ducanî ku ji bo penagehê serî li Îdareya Koçê ya Bajar a Îzmîrê da, bi hinceta “qeyd girtî ne” serlêdana wê nehat qebûlkirin. Parêzer Deman Guler ku rewşa jinan penaber dişopîne got ku mafê jiyanê jina penebar tê binpêkirin.
Ayşe Cenîklî, ji aliyê hevjînê xwe Bulent Cenîklî ku derbarê wî de biryara dûrxistinê derxistibû û pê re li asta berdanê ye ve hat qetilkirin.
Li Iraqê, mirina 276 jinan ên di sala 2020’an de, weke “întîharê” derbasî qeydan hatiye kirin.