Li gorî rapora Komeleya Rojnamegerên Jin a Mezopotamyayê (MKG) ya meha gulanê; ji 17 dozan 24 rojnameger hatin darizandin û ji 1’ê gulanê ve 8 rojnameger girtî ne.
Li gorî çeteleya tundiyê ya meha gulanê ya JINNEWS’ê; 34 jin û 8 zarok hatin qetilkirin û 18 jin û 2 zarokan jî bi awayekî guman jiyana xwe ji dest dan.
Berdevka Meclisa Jinan a DBP’ê Bêrîvan Bahçecî diyar kir ku bi polîtîkayên şerê taybet herî zêde jinên ku dixwazin bê vîn bihêlin hedef tê girtin û got: “Jin dê dawiyê li tifaqa dijminên jinan bînin.”
Li Dîlokê cenazeyê jineke bi kêran hatiye qetilkirin di konteynira çopdankê de hate dîtin.
Berdevka Meclisa Jinan a DEM Partiyê Halîde Turkoglûyê diyar kir ku desthilat bi "Plana Çalakiyê ya Parastin û Xurtkirina Malbatê" re pêvajoyeke ku statuya jinê paş de dibe daye destpêkirin û wekî çareserî jî îşaret bi "malbata demokratîk" kir.
Jinên siyasetmedar ên Botanê bertek nîşanî tayînkirina qeyûmê ser Şaredariya Colemêrgê dan û gotin: "Çawa ku gelê Wanê her saet, her deqîqe li ser piyan bû divê ku em vê ji xwe re bikin mînak û li berxwe bidin. Ji xeynî berxwedanê ti çare nîne."
Kovara Jinê vê hefteyê bi manşeta “Mêrtî û manîpulasyonê” derket pêşberî xwînêrên xwe.
Der barê hunermendên ku li Sêrtê di çarçoveya 8'ê Adarê de stran gotin û Dayika Aştiyê ya ku axivî de bi îdiaya "propagandaya rêxistinê" doz hat vekirin.
Li navçeya Kaniya Xezalan 3 zilaman destdirêjî li zarokekê 17 salî kirin.
Dozger ji bo polîs Serdar Gok ê ku bi kuçikê îşkence li Rojbîn Sevîl Çetîn kiribû, beraetê xwest.
Berdevka TJK-E’yê Ayten Kaplan diyar kir ku di çarçoveya çalakiyên “Hezar jin, yek deng” de zêdetirî 7 hezar name ji CPT’yê re şandine û wiha got: “Em ê plansaziya çalakiyên xwe yên tebax û îlonê di rojên pêş de eşkere bikin.”
Aktîvîsta TJA’yê Besra Îşsever a di komxebata xwendinê ya TJA’yê de cih digire destnîşan kir ku li dijî krîzên piralî yên tên jiyîn, pêdivî bi paradîgma û hêza çareseriyê ya Abdullah Ocalan heye û nivîskar Firat Can jî wiha got: “Divê fikrên Ocalan bi kolan û civakê re werin cem hev.”
Li navçeya Qoserê B.A. a 21 salî ku hewl dabû xwe bikuje, bi awayek birîndar li nexweşxaneyê dihat dermankirin, jiyana xwe ji dest da.
Di çalakiya xwendinê ya bi pêşengtiya TJA’yê hat lidarxistin de nivîsên Rêberê PKK’ê Abdullah Ocalan ên di demên berê de nivîsandî hatin xwendin.
Li navçeya Beyoglûyê jineke nasnameya wê nehat zanîn li naverasta kolanê ji hêla zilamekî ve hate qetilkirin. Li Bursayê jî zilamekî 3 zarokên xwe qetil kir.