Nobedarên li ser sînorê Pirsûs-Kobanê diyar kirin ku heta êrişên dagirkeriyê dewam bikin ew ê di nobedê de bin û gotin: "Berxwedan mirovan bi ser dixîne."
Êrişên li ser Bakur û Rojhilatê Sûriyeyê li ser sînorê Nisêbîn-Qamişloyê bi girtina nobedê tê şermezarkirin. Di nobeta îro de wiha hat gotin: " Muxatabê aştiyê diyar e. Tişta ku îro li Rojhilata Navîn diqewime ji bo hemû gelan firsendeke mezin e."
Dewleta tirk û koma paramîlîter a SMO’yê êrişî derdora Tişrînê dikin û pevçûnên dijwar li herêmê diqewimin.
Di doza qetilkirina Narîn Guranê de bersûc Nevzat Bahtiyar parastina xwe kir. Bahtiyar, Salîm Guran sûcdar kir û wiha got: “Tu hatî û te cenazeyê Narînê da min.”
Walîtiya Şirnexê 14 herêm ji bo 15 rojan weke “herêmên ewlehiya taybet a demkî” ragihand.
Bi hinceta nivîsa têkildarî qeyûman nivîsandî, der heqê nûçegihanê me Ahmet Kanbal de lêpirsîn hatibû destpêkirin. Di lêpirsînê de biryara neşopandinê hate dayin.
Malbat û wasiyê Rêberê PKK’ê Abdullah Ocalan ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
DFG’ê di sala 2024’an de piştgiriya hiqûqî da 152 rojnamegeran, di 49 dozan de rojnamegerî parast, ji ber 31 rojnamegerên polîsan tundî lê kiribûn jî serlêdanên sûc kir.
DEM Partiyê bi sedema “rêzikname, bername û paradîgmaya partiyê tune hesiband”, Hevşaredarê Qoserê Zeynî Îpek ji partiyê îxrac kir.
Navenda Ragihandinê ya HSD’ê diyar kir ku di pevçûnên şevê din heta serê sibeha îro de 22 endamên komên paramîlîter di bersivdayina hêzên wan de hatine kuştin.
Rojnameger Erdogan Altan bal kişand ser rolên HTŞ'ê ya ku li Şamê bi desteka hêzên hegemonîk rêveberiyê bi dest xist û gava derkeve derveyî van rolan wê bi çi re rû bi rû bimîne û got: "Ya wê dilê hêzên global xweş bike yan jî wê bê tasfiyekirin."
Di doza qetilkirina Narîn Guranê de ap Salîm Guran parastina xwe kir û wiha bal kişand ser Nevzat Bahtiyar: “Hem em hem jî malbata me tune kir.”
Kamûran Daşdemîr ku li Girtîgeha Hejmar 2 ya Dumluyê ya Erziromê tê ragirtin diyar kir ku hejmara cezayên hucreyê yên tên dayin zêde dibin û banga hestiyariyê li rêxistinên maf, civaka sivîl û girseyên demokratîk kir.
Derheqê Velî Encu de ku ji bo birayê xwe û 33 kesên di Komkujiya Roboskê de hatin qetilkirin daxwaza edaletê kir, 17 doz hatin vekirin û 4 salan di girtîgehê de ma. Encû, got: “Ji Zîlanê heta Roboskê faîl tu caran nehatin girtin. Weke malbatên Roboskê em ji roja ewil heta niha li pey gotina xwe ne. Divê berpirsyarên komkujiyê bên darizandin.”
Nûnerên partiyên siyasî diyar kirin ku qetilkirina Nazim Daştan û Cîhan Bîlgînê nayê qebûlkirin û gotin,: “Divê tu rojnameger li hemberî qetilkirina Nazim û Cîhan bêdeng nemîne. Divê êdî em zincîrên tirsê bişikînin."