Hevberdevka Tora Mafên Zarokan a Baroya Amedê Berfîn Elçî da zanîn ku di dema pêvajoya lêpirsîna doza Narîn Guranê de delîl ji hêla malbatê ve hatin tunekirin û got ku ji bo êdî bûyerên bi vî rengî neyên jiyîn banga xwedîderketina li danişînê ku dê sibe were lidarxistin li her kesî kir.
Hevseroka Giştî ya DEM Partiyê Tulay Hatîmogûllari di civîna bi hevşaredarên partiyê re de bal kişand ser serlêdana ji bo Wezareta Dadê kirin û wiha got: “Tişta divê were kirin ew e ku deriyên Îmraliyê bên vekirin.”
Di danişîna biryarê ya doza girtina GOÇÎZDER’ê de dadgehê biryara girtina komeleyê da.
Endamê Desteya Serokatiyê ya Partiya Yekitiya Demokratîk (PYD) Salih Muslim got; “Heta ku êriş ser destkeftiyên me hebin em ê xwe biparêzin” û diyar kir ku ew parçeyeke Sûriyeyê ne û dixwazin di çareseriyê de cih bigirin.
Tirkiyeya ku bi komkujiya Dêrsim û Zîlanê re ji damezrandina xwe heya niha li hemberî kurdan hiqûqa şer binpê dike, piştî qetilkirina rojnameger Nazim Daştan û Cîhan Bîlgînê careke din bal kişand ser sûcên şer yên ku dike.
Sevîm Encû ku di Komkujiya Roboskê de 2 birayên xwe winda kir û hevjînê wê jî birîndar bû, diyar kir ku hevjînê wê Servet Encu tekane şahidê dozê ye û wiha got: “Lewma her tim zext li hevjînê min kirin. Mala me hate gulebarankirin, ji ber zextan me ji gundê xwe bar kir. Lê dîsa jî hevjînê min dev ji dozê berneda.”
Endamê Meclisa Komarê ya Portekîzê Jorge Pînto ku ji bo bi Rêberê PKK'ê Abdullah Ocalan re hevdîtinê pêk bîne serî li Wezareta Dadê da got: "Azadiya fizîkî ya birêz Ocalan wê bibe alîkar ji bo çareseriya siyasî ya pirsgirêka kurd."
HSD’ê bi daxuyaniyekê bîlançoya şer û pevçûnên dawî eşkere kir. HSD’ê got ku di pevçûnan de bi dehan endamên koma paramîlîter a SMO’yê hatine kuştin, panzêrek û 2 wesayîtên doçkabarkirî hatine rûxandin.
Li Hesekê ji bo piştevaniya bi HSD’ê re bi hezaran kes meşiyan. Endamê Desteya Hevserokatiya PYD’ê Aldar Xelîl di meşê de wiha got: “Ji bo avakirina Sûriyeya demokratîk divê em bi hev re bixebitin.”
Di danişîna doza ku der barê leşkerê ku li navçeya Cizîrê zarokê 18 mehî Mehmet Uytun qetil kir de hat îdiakirin ku bombeya gazê ya ku bû sedema mirina Uytun nehat dîtin. Dadgehê biryar da ku li benda bersiva nîqaşa ku ji fermandariya cendirme re hatiye nivîsandin bisekine.
Nobeda li ser sînorê Nisêbînê ku di pêşengiya TJA, DBP û DEM Partiyê di 13ê Kanûnê de li dijî êrişen li ser Rojavayê dest pê kiribû didome. Di nobedê de peyama, “Bila deriye Îmraliyê bê vekirin” hat dayîn.
Di çalakiya nobetê ya li ser sînorê Pirsûs-Kobanê hat gotin ku divê her kes rêzê ji bo îradeya xwebirêvebirinê ya gelên li Bakur û Rojhilatê Sûriyeyê bigirin.
Dewleta û komên paramîlîter ên girêdayî wê gundên Girê Spî û Til Temirê, depoyên genim û Çarxerêya Sirînê bombebaran kirin.
Partiyên Tifaqa Kurdistanî piştî daxuyaniya hevpar a têkildarî êrişên ser Bakur û Rojhilatê Sûriyeyê axivîn û gotin ku piştî sed salan firsendek ketiye destê gelê Kurd û banga yekitiya neteweyî kirin.