Parlamenterê DEM Partiyê Onur Duşunmez ku beşdarî çalakiya nobetê ya li ser sînorê Nisêbîn-Qamişloyê bûye, wiha got: “Em dibînin ku Tirkiye bi destê SMO’yê êrişî Rojava dike. Em ê rê nedin van êrişand.”
Hevserokê KCD’ê Berdan Ozturk diyar kir ku Tirkiye naxwaze li Sûriyeyê çareserî pêş bikeve û got: “Hêza gelê Kurd û pergala wan ava kirî dê pêşeroja Rojhilata Navîn diyar bike.”
Rojnameger Mansur Adali diyar kir ku heta Rêveberiya Xweser a Bakur û Rojhilatê Sûriyeyê neyê naskirin dê pirsgirêk çareser nebin û wiha got: “Heke Sûriye bibe yek, divê Rêveberiya Xweser teqez di hemû pêvajoyan de cih bigire.”
Medyaya alîgiriya îktîdarê dike piştî êrişên HTŞ’ê bi nûçeyên xwe şer sor dike û pirsgirêkan kûrtir dike. Akademîsyen Mûrat Buyukyilmaz got; “Weşangeriyeke pirsgirêka kurd kûr dike dikin, ev yek rast nîne.”
Çeteyên DAIŞ'ê berbanga îro li herêma Sukerî ya başûrê bajarê Tedmurê yê gundewarê Humsê 6 şivan kuştin û pezên wan dizîn.
Hunermend Pinar Aydinar bi şertê kontrola edlî hat berdan.
Êrişên Tirkiyeyê û hêza paramîlîter SMO ya girêdayî wê yên li ser Bakur û Rojhilatê Sûriyeyê hatin şermezarkirin û banga parastina Rojava hate kirin.
Dayikên Şemiyê ji bo ku biryara deboriyê ya li ser dosyaya Îbrahîm Demîr û Agît Akpa ên berî bi 33 salan hatin qetilkirin bê rakirin bang kirin.
Hevşaredarê Bajarê Mezin Dogan Hatun, di komxebata "Di rêveberiyên herêmî de polîtîka û pêkanînên astengdaran" axivî, diyar kir ku wan bi avakirina Daîreya Xizmetên Astengdaran û Pîr û Kalan soza xwe bi cih aniye û got, "Xizmetên gel ên bigihînin ji bo astengdaran nayên dayîn. Em bi butçeyeke ku tu kesî averê nake û layengiriyê red dike bersivê didin van polîtîkayan."
ÎHD'ê xwest girtiyên nexweş Mehmet Okur û Hayatî Denîz Kaytan ên ku rewşa wan a tenduristiyê xirab dibe, bên berdan.
Rewşenbîr û nivîskarên ku banga çareseriya pirsgirêka kurd kirin diyar kirin ku aştî ji hewcedariyê wêdetir ferz e.
Li bejahiya navçeya Geverê ya Colemêrgê operasyona leşkerî hat destpêkirin.
Xizmên Windayan diyar kirin ku ew ê dest ji daxwaza edaletê ya ji bo windayan bernedin û gotin: "Divê dewlet li gorî pîvanên hiqûqa gerdûnî tevbigere."
Rêxistina Bajarê Wanê ya Partiya DEM'ê operasyona binçavkirinê ya duh li bajêr pêk hatibû şermezar kir û diyar kir ku hikûmet komployên xwe yên siyasî didomîne.