Emîne Şenyaşar a têkoşîna xwe ya Edaletê ji Rihayê veguhest ber Wezareta Dadê, de çalakiya xwe ya ji ber pirsgirêkên tenduristiyê navber dabûyê li ber Serokatiya Meclisê bidomîne.
Buroya Hiqûqê ya Sedsalê têkildarî geşedanên mehên gulan, hezîran û tîrmehê yên 2024’an serî li CPT’iyê da. Buroyê diyar kir ku prosedura ji bo Îmraliyê nayê bicihanîn ji bo Azerbaycanê hatiye bicihanîn û xwest bi lezgînî serdanek ad hoc ango xweser li Îmraliyê pêk bîne.
Girtî Halîl Yildiz piştî 30 salan hat berdan. Yildiz ê ku ji Girtîgeha Metrîsê hat berdan li Êlihê bi coş hat pêşwazîkirin.
Hevserokê Giştî yê DEM Partiyê Tuncer Bakirhan ku li Îzmîrê bi malnişînan re civiya, anî ziman ku ger malnişîn bixwazin dikarin desthilatê jî biguherînin û got: "Derdê me yek e. Divê em hesab ji vê pergala bêrûmet bipirsin."
Nobeda li dijî tayinkirina qeyûm a li Şaredariya Colemêrgê 65 roj li dû xwe hiştin. Girseya ku beşdarî nobedê bû, diyar kir ku wê rê nedin qeyûman û got: "Kurd xwedî li vîna xwe derdikevin."
Platforma Ked û Demokrasiyê di daxuyaniya xwe de têkildarî êrîşên nîjadperest ên li dijî zimanê Kurdî û kedkarên Kurd got, “Em ti carî êrîşên nîjadperest ên li dijî kedkarên Kurd, ziman û çanda Kurdî qebûl nakin. Em bang li hemû gelê xwe dikin ku li her derê lê bin, ziman û nasnameya xwe biparêzin.”
Li Qamişloyê di navbera Nexweşxaneya Dil û Çav û Postaxaneyê de êrişek hate lidarxistin.
Hevserekê DEM Partiya Mêrsînê Reşat Aşan di çalakiya “Deng bide azadiyê” ya li pêşiya Girtîgeha Tarsûsê axiviye, banga dawîkirina tecrîdê kir û wiha got: “Tecrîd dibe sedema kurbûna pirsgirêkên li welat.”
Di êrişên Tirkiyeyê yên li gundê Bênê ya bajarokê Şêrawayê de 4 kes birîndar bûn.
Pisporê Ewlehiyê Sefa Asim ragihand ku ‘lihevkirina ewlehiyê’ ya di navbera Iraq û Tirkiyeyê de hatiye îmzakirin, hêj temam nebûye û wiha got: “Bexda li şûna ku Tirkiyeyê ji axa xwe derxîne, peymanê îmza dike.”
Serdal Yildirim ê ji sedî 98 astengdar û 6 sal bûn li Girtîgeha Tîpa R a Metrîsê dihate ragirtin, hate berdan.
Li navçeya Akşehîrê çawişê pispor E.K. bav û kurê wî, ji ber nelihevkirina heqê kirê, bi çekê qetil kir.
irtî Alî Riza Erdem piştî 31 salan ji girtîgeha lê dihate ragirtin hate berdan. Gotinên Erdem ên ewil bûn “Em ê ji cihê lê mayî berdewam bikin.”
Alî Ekber Orûç ê di dema sekeratê de hatiye berdan, ev 19 roj in di servîsa lênêrîna awarte de ye. Hevjîna wî Cemîle Orûç anî ziman ku sedema giranbûna rewşa tenduristî ya Orûç, şert û mercên xirab ên girtîgehê ne.