Spectrum House bi hilbijêrên kurd re lêkolîna qadê kir û ji beşdaran ji sedî 74,2’yan tayînkirina qeyûman “xelet” nirxandin. Beşdaran gotin ku divê muxalefet li dijî qeyûman bi hev re têbikoşe.
Polîsên dewleta tirk li Wanê bi ser malan de girtin û zarok jî di nav de gelek kes binçav kirin.
Berxwedana xelkê Xelfetiyê ya li dijî tayînkirina qeyûm di roja 10’emîn de didome. Gelek kes ji Dîlokê ji bo piştevaniyê hatin serdana berxwedêrên Xelfetiyê.
Girtiyên li Girtîgeha Tîpa S a Antalyayê ji parlamenterên DEM Partiyê re name şandin û gotin ku gef li wan tên xwarin û sewqên wan ên ji bo nexweşxaneyê nayên kirin.
Girtî Mehmet Faruk Engîn li Girtîgeha bi Ewlekariya Bilind a Kirşehîrê tê ragirtin. Engîn, ji ber ku ferzkirina lêgerîna tazî qebûl nekir ji hêla gardiyanan ve hate derbkirin. Rapora derbkirinê nedan Engîn.
Mamoste Sîbel Suna ya ku di protestoyên li dijî qeyûm ên Êlihê de hatibû binçavkirin û piştre hate berdan, wiha got: “Me dengê xwe da DEM Partiyê û em hêj jî li gel dengê xwe ne. Bi berxwedana vê derê serbilind im.”
Girtiyê bi navê Hakan Buzhane têkildarî şert û mercên nebaş ên li girtîgehê serlêdan kiribû û ev serlêdan hatibû redkirin. AYM’ê, redkirina serlêdana Buzhane weke “binpêkirin” qebûl kir.
Derheqê 29 kesên tev li “Meşa Azadiyê ya Mezin” bûn, bi îdiaya “Muxalefeta li dijî qanûna civîn û xwepêşandanan” doz hate vekirin.
Dosyaya têkildarî qetilkirina rojnameger Gulistan Tara û Hêro Behadîn radestî Nûnertiya YE’yê ya Iraqê hate kirin.
Çaglar Demîrel a TJA’yî diyar kir ku AKP’ê bi qeyûman derbe kiriye û wiha got: “Ma hûn dê bi tayînkirina qeyûman pirsgirêka kurd çareser bikin?”
Berdevkê Çapemeniyê yê KON-MED'ê yê Almanyayê Mazlûm Karagoz banga mîtînga 16'ê Mijdarê ya li Kolnê kir û got: "Ev mîtîng wê dilsoziya me ya ji bo vîna gelê kurd û azadiya birêz Ocalan nîşanî hemû cîhanê bide."
Dayika Yûnûs Emre Ergîn ê li Girtîgeha Girtî ya Tîpa T a Îslahiyeyê girtî Serap Ergîn diyar kir ku her çend girtî ji ber xwarina ku xwarone jehrî bûne jî, nehatine dermankirin.
Kesên ku li Êlihê beşdarî çalakiya li dijî qeyûman bûn, ji bo mîtînga "Demokrasî û Azadiyê" ku wê di 17'ê Mijdarê de bê lidarxistin, bangawazî kirin û gotin: "Em tecrîdê rakin û qeyûman bişînin."
Şaredarê Êlihê Edîp Solmaz ê ku gava li ser karê xwe bû hat qetilkirin, li ser gora xw ehat bibîranîn. Hevserokê Giştî yê DBP'ê Keskîn Bayindir, anî ziman ku kevneşopiya berxwedanê ya Solmaz 9 roj in li dijî xespa qeyûm didom