Mehmet Durak Karak 29 sal in girtî ye û li Girtîgeha bi Ewlekariya Bilind a Erzînganê tê ragirtin. Bi hinceta “cezayên hucreyê”, tehliyeya Karak 6 salan hate taloqkirin.
DAD’ê di salvegera bidarvekirina Seyîd Riza û hevalên wî de daxuyanî da û xwest cihên gorên wan bên eşkerekirin û bi komkujiyê re hevrûbûnek çêbibe.
Serokê Baroya Mûşê Kadîr Karaçelîk li Êlihê bertek nîşanî tayînkirina qeyûm da û wiha got: “Tu bingeheke hiqûqî ya tayînkirina qeyûman û rewatiyeke wê nîne. Tavilê dev ji vê sepana derhiqûqî berdin.”
Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan serî li Serdozgeriya Bûrsayê û Midûriyeta Girtîgeha Îmraliyê dan.
Hêzên Ked, Aştî û Demokrasiyê dê li Stenbolê li dijî tayînkirina qeyûman "civîna gel" pêk bînin. Hevberdevka DEM Partiyêê ya Bakurê Marmarayê Aylîn Hacalogûyê got: "Em xwedî li vîna xwe derkevin û rê nedin qeyûman."
Serokê Giştî yê ÎHD'ê Huseyîn Kuçukbalaban ê ku xwest rêxistinên sivîl bi Rêberê PKK'ê Abdullah Ocalan re hevdîtinê pêk bînin, diyar kir ku ji bo heyeta ÎHD'ê biçe Girava Îmraliyê dê serlêdaneke nû bikin.
Hevserokê KCDK-E Engîn Sever ji bo mîtînga 16'ê Mijdarê ya li Kolnê ya ji bo azadiya fizîkî ya Abdullah Ocalan tê lidarxistin banga "Em bi ruhê seferberiyê beşdar bibin" kir.
Polîsê tîmên taybet Yîgît Can Yîgît li Dêrsimê mir. Hat îdiakirin ku guleyek li serê wî ketiye û miriye.
ÎHD’ê diyar kir ku piştevaniya bi girtiyan re sûc nîne û di vê çarçoveyê de kampanyaya şandina pereyan a ji Hatîce Onaran re da destpêkirin. ÎHD’î dê her mehê ji Onaran re pereyan bişînin.
DEM Partiyê li gelek bajaran têkildarî hevdîtinên bûdçeyê daxuyanî da û banga “bûdçeya ji bo ked û edaletê” kir.
Walîtiya Çewligê ragihand ku ji ber kuştina Sînan Çitay, 3 polîs ji peywirê hatin dûrxistin.
Îktîdara AKP-MHP’ê li ser berteka partiyên muxalefetê paşvegav avêt û sererastkirina “sîxûriya tesîrkirinê” ji pêşniyarqanûnê derxist.
Komîsyona Mafên Zarokan a Baroya Wanê ji ber tundiya polîsan a li navçeya Tûşbayê li 2 zarokan kiribû, giliyê polîsan kir.
Hevserokê Giştî yê DBP’ê Keskîn Bayindir di çalakiya li Êlihê ya li dijî tayînkirina qeyûm de axivî û ji bo mitînga “Demokrasî û azadiyê” ku dê di 17’ê mijdarê de bê lidarxistin, banga tevlibûnê kir.