Rêberê PKK’ê Abdullah Ocalan ku di nirxandinên xwe de gelek caran balê dikişîne ser demokratîkkirina komarê, bi salan berê wiha dibêje: “Rêya komara demokratîk, tekane rêya aştiya civakî û çareserkirina pirsgirêkan e.”
DEM Partiyê ji 14'ê gulana 2023'yan ve 247 pêşniyazên qanûnî pêşkeşî meclisê kirine. Ji van pêşniyazan yek jê jî daxilî rojevê nehatine kirin û 673 pêşniyazên ji bo lêkolînê jî hatine redkirin.
Sebahat Tûncelê diyar kir ku "Plana Çokşikandinê" ya ku 9 sal berê di civîna MGK'ê de hat plansazkirin bi ser neketiye û ji bo gengeşeyên pêvajoya "nû" jî got: "Ji bo em zanibin ev jidil in, pêdivî bi hin gavên şênber heye. Paqijkirina rê yek ji van gavên şênber e."
Walîtiya Şirnexê gelek herêm weke “herêma ewlehiyê” îlan kirin û ji bo 15 rojan ketina wan qedexe kir.
Ji Dayikên Aştiyê Kumrî Oner di 25’ê cotmehê de jiyana xwe ji dest da. Hevjînê wê Mehmet Oner û rêhevala wê Ayşe Hezer diyar kirin ku heta dawiya emrê xwe ji bo aştiyeke mayinde têkoşiyaye û gotin: “Tenê xeyala wê aştî û Kurdistaneke azad bû.”
Ji Komeleya Ekolojiyê ya Amedê Leyla Çîteyê diyar kir ku ew bi kargehên ku li Baxçeyên Hewselê li dar dixin dixwazin ji bo zarokan derdoreke hînkirina azad biafirînin.
Rejîma Îranê, di meha Îlonê de 150 kes li girtîgehan bi dar ve vekir.
9 kesên ku li Hezexê hatin binçavkirin, piştî îfadeyan hatin berdan.
Îdianameya Çeteya Yenîdoganê hate qebûlkirin ku 22 jê girtî derheqê 47 kesan de lêpirsîn hatibû destpêkirin.
Di çalakiyên protestoyê yên li dijî êrişên li ser Bakur û Rojhilatê Sûriyeyê de wiha hate gotin: “Rêya ber bi aştiya navxweyî ve diçe, bi bombebarankirina kurdan û qadên wan ên jiyanê nikare pêk were.”
Li Mûşê trênê li mîksera beton xist û di qezayê de kesekî jiyana xwe ji dest da û 2 kes jî birîndar bûn.
10 baroyan têkildarî êrişên dewleta tirk ên li dijî Bakur û Rojhilatê Sûriyeyê daxuyanî dan û wiha gotin: “Em, operasyonên li dijî herêmê ji bo aştiyê weke xetere dibînin û bang li hikûmet û hemû aktoran dikin ku li ser çareseriyên aştiyane û polîtîk bisekinin.”
Bi boneya meha 154’emîn a Komkujiya Roboskê daxuyanî hate dayin. Di daxuyaniyê de wiha hate gotin: “Me ji bîr nekir, dê ji bîr nekin û nedin jibîrkirin.”
DEM Partiyê têkildarî salvegera 10’emîn a karesata madenê ya li Ermenekê daxuyaniyeke nivîskî weşand û got: “Em ê ji bîr nekin, nedin jibîrkirin. Em ê têkoşîna xwe ya nan û edaletê mezin bikin.”