“Meşa rêzgirtina ji îradeyê re” ku ber bi Colemêrgê ve hatiye destpêkirin, di roja 8’an de li Geliyê Zapê didome. Di daxuyaniya meşê de wiha hate gotin: “Sedema hemû pirsgirêkan tecrîd e. Divê tecrîd bi dawî bibe û bi Ocalan re li ser maseyê bê rûniştin.”
Ji destpêka komarê heta niha êrişên li dijî cenazeyan û goristanan bi awayekî sîstematîk didomin. Hevberdevkê Înîsiyatîfa Rêzgirtina ji Mirî re û Edaletê Rojhar Erol got ku heta polîtîkaya necezakirinê bidome dê ev rewş neguhere.
Meşvanên bi rojaye li dijî xespkirina îradeya xelkê Colemêrgê dimeşin, wiha gotin: “Heta tecrîda li ser birêz Ocalan bi dawî nebe dê ev zext jî xelas nebin. Em ê meşa xwe bi serkeftinê tacîdar bikin.”
Derket holê ku qeyûmên Şaredariya Cizîrê park jî dewr kirine. Park terkî qedera xwe hatine kirin lewma Şaredariya Cizîrê dest bi xebatên sexbêrkirin û paqijiya wan kir.
Parêzer Dîdare Hazal Sumelî da zanîn ku hinek girtiyên li Girtîgeha Marmarayê jehrî bûn nebirine nexweşxaneyê û rewşa hinekan jî xerab e. Sumelî, da zanîn ku dê serlêdana sûc bikin.
Cerdevanên ku naxwazin tevlî operasyona li Zap, Avaşîn û Metînayê bibin, çekê datînin. Bi teblîxata ku ji cerdevanên beşdarî operasyonê nabin gef hat xwarin.
Girtî Servet Ozgun ku ji ber rastî heqaret û gefên sîstematîk ên gardiyanan hat û di 23'yê Hezîranê de dest bi greva birçîbûnê kir, bi rêya parêzerê xwe gilî kir.
Dadgeha Îdare ya 2'yan a Amedê, ji bo parselên li semta Seyrantepeyê ku plana wan a îmarê hatine guherandin û dewrî Midûriyeta Polîsan a Bajêr hatine kirin, biryara "rawestandina rêvebirinê" da.
Hevserokê DEM Partiyê yê Edeneyê Seyfettîn Aydemîr di çalakiyê de got: "Mafê tu kesî nîne îradeya demokratîk a gelan desteser bike" û bang li desthilatdariya faşîst kir ku rêzê li vîna gel bigire.
Meşa “Rêzgirtina li Vînê” gihişt Geliyê Zapê. Meşvanan li vir tevî germa zêde jî meşa xwe berdewam kirin û bi dirûşme û stranên xwe biryarbûyîna xwe nîşan dan.
Rêxistina DEM Partî ya Şirnexê li dijî tayinkirina qeyûm a li ser şeredariya Colemêrgê bi dirûşmeyên "Bijî berxwedana Colemêrg" meşiyan.
Bi pêşengiya MKG û DFG, li Amed û Stenbolê der barê cezayê girtîgehê yê li 8 rojnamegeran hatiye birîn daxuyanî hatin dayîn. Di daxuyaniya li Amedê de wiha hat gotin: "Em ê heqîqetê her tim bidim bihistin. Em ê bi hev re têbikoşin.”
Li bajaroka Dêrgûlê zaroka ji ber germa zêde kete avê xeniqî.
Di daxuyaniyên ku bal kişandin ser rewşa girtiyên nexweş de bang hate kirin ku Emrah Nebîoglû û Serdal Yildirim ê ji sedî 98 astengdar bên berdan.