Parlamentera DEM Partiyê Newroz Uysal Aslan ji bo betalkirina qanûna cezayê hefsê ya “heta mirinê” ku li Abdullah Ocalan û gelek girtiyan hatiye birîn, pêşniyarqanûn dabû. Aslan, aqûbeta vê pêşniyarqanûnê ji Serokê Meclisê pirsî.
Yek ji girtiyên nexweş ku Fevzî Arslan ku mejiyê wî dihele, ji ber ku zexta lêgerîna nava dev qebûl nekir, naşînin nexweşxaneyê. Parlamenterên DEM Partiyê ji bo Arslan were tedawîkirin û sepana lêgerîna nava dev bi dawî bibe, serî li Wezareta Karên Hundir dan.
Polîsê teqawid Fîkret Bala li Sêrtê di wesayîta xwe de mirî hate dîtin.
Malbat û wasiyê Reberê PKK’ê Abdullah Ocalan, ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
Li Êlihê li ser serlêdanên ji bo girtî Nûrettîn Dayan ê ku nexweşiya penceşêrê ya pişikê pê re heye hatin kirin biryar hate dayîn ku înfaza wî 6 mehan were taloqkirin.
Di encama serdegirtinên malan ên li Çanakkaleyê de 3 kes hatin binçavkirin.
Cezayê Abdurrahman Gemîcîoglû ji hêla Dadgeha Bilind ve hate erêkirin. Gemîcîoglû ku nexweşiyên wî yên giran hene, bi ambulansê sewqî Girtîgeha Wanê hate kirin. Karûbarên ketina girtîgehê yên Gemîcîoglû di ambulansê de hatin kirin û piştre birin nexweşxaneyê.
Li Arjantînê, di çalakiya Dayikên Plazo De Mayo de tecrîda li ser Rêberê Gelê Kurd Abdullah Ocalan hate şermezarkirin.
Amediyên ku gotin “Em ê tecrîda li ser Abdullah Ocalan rakin û zindanan vala bikin” ji bo mitînga ku dê bi daxwaza azadiya fizîkî ya Ocalan bê lidarxistin bang kirin.
Seroka Şaxa ÎHD'ê ya Stenbolê Gulseren Yoleriyê diyar kir ku cezayê muebeda giran "îşkence ye" û got ku ji bo pêkanîna biryara "mafê hêviyê" ya der barê Abdullah Ocalan de pêdivî bi muxalefeteke xurt heye.
Li Qersê ji ber kêmasiya bijîşkan li 2 nexweşxaneyan 15 beş hatin girtin û alavên tenduristiyê hatine ber rizîbûnê. Prof. Dr. Barlas Sulu diyar kir ku li Qersê negihîştina xizmeta tenduristiyê bûye sedema koçberiyê.
Li Elbakê gelek herêm weke “Herêma ewlehiyê ya taybet” hatin ragihandin. Hate diyarkirin ku li yek ji van herêman operasyon hatiye destpêkirin.
Kekê Abdulkadîr Kûday ê tevî ku ATK’ê 3 caran rapora “nikare di girtîgehê de bimîne” dayê jî nehate berdan û di girtîgehê de jiyana xwe ji dest da Salîh Kûday, diyar kir ku kekê wî tu caran bêrûmetî qebûl nekir û wiha got: “Tevî ku li ser sedyeyê bû jî her tim moral dida me. Digot ‘kî têbikoşe û li ber xwe bide ew dê serbikeve.”
Endamê PM’a DBP’ê Nûrî Denîz da zanîn ku dê 4 mehan li Kurdistan û Tirkiyeyê xebatên rêxistinkirinê bimeşînin û di dawiyê de jî “konferansa rêxistinkirinê” li dar bixin. Denîz, banga tevlibûna seferberiya rêxistinbûnê li her kesî kir.
Hevserokên MATUHAYDER’ê Dîlek Sonmez Demîr û Mehmet Şafî Erol diyar kirin ku tevî rapora ATK’ê ya “nikare di girtîgehê de bimîne” jî Abdulkadîr Kuday nehate tehliyekirin û wiha gotin: “Ev sepan îdam bi xwe ye.”