Parlementera HDP'ê ya Edeneyê Tulay Hatîmogûllari, bal kişand ser cihêkariya di qanûna înfazê de û got, cinayet e. Her wiha Hatîmogûllari ji bo kampanyaya ku Erdogan akere kir jî got, "kampanyaya nelirêtiyê" ye.
Cîgirê Hevserokatiya Giştî ya HDP'ê Umît Dede, wê qanûna înfazê ya nû qanûna newekhev û cihêkariyê dijwartir bike û got: "AKP, dixwaze pêşnûmaya MHP'ê di vê krîzê de pêk bîne."
Hevberdevkê HDK'ê Sedat Şenoglû diyar kir ku bi vîrûsa koronayê re bêçaretiya pergala kapîtalîst derketiye holê û torên piştevaniya gel ên hatin avakirin haveynê jiyana nû ye.
Nivîskarê marksîst Temek Demîrer, anî ziman ku piştî pandmeiya coronayê divê mirov ji nû ve li ser jiyanê hûr bibe. Demîrer, diyar kir ku herî baş gotina Rosa Luxembûrgê dikare roja îroyî pênase bike û got: "Li ber be du vebijêrk hene; an sosyalîzm an jî rejîmên totalîter."
Serokê Şaxa ÎHD'a Îzmîrê Parêzer Zafer Încîn, diyar kir ku vîrûsa coronayê dibe ku li girtîgehan bibe sedema rewşine giran û got, divê qanûneke înfazê ya wekhev demildest bê çêkirin.
Wekîla Serokê Koma HDP’ê Meral Daniş Beştaş diyar kir ku vîrûsa koronayê li girtîgehan belav bûye û got: “Birêkûpêkkirina înfazê kuştina bi komî ya li girtîgehan e. Di heman demê de pakêta înfazê îmzekirina komkujiyek mezin e.”
Hevberdevkên Komîsyona Polîtîkayên Tenduristî û Civakî yên HDP’ê ji hikumetê xwestin ji bo kedkarên tenduristiyê yên hatine îxrackirin gav biavêjin.
Nûnerên partiyên siyasî bertek nîşanî kampanya Serokomar Erdogan a "Kampanya Alîkarî û Piştevaniya Civakî" da û destnişan kirin ku divê ne welatî bibin desteka dewletê, divê dewlet piştekê bide welatiyan.
Siyaseta kurd bertek nîşanî “Kampanya Piştevaniya Neteweyî” ku ji aliyê Serokê Giştî yê AKP’ê Tayyîp Erdogan ve hatibû şakerakirin, da. Hevseroka KCD’ê Leyla Guven, kampanyayê rexne kir û diyar kir ku îlana tekçûna dewletê ye.
- Hevserokê HDP'a Edeneyê Mehmet Karakiş, got: "Ji bo em ji derheqê vê nexweşînê derkevin an divê em çavkaniyên welat seferber bikin û dev ji aboriya rantê berdin an jî em ê grafîkên mirina mirovan bişopînin."
Wekîlê Serokê Koma HDP'ê Saruhan Oluç, bertek nîşanî helwesta Serokomar Erdogan da û got: "Serokomür nûmara ÎBAN'ê da û ket rûpelê dîroka cihanê. Îqtîdar sê tedbiran digire. Yek; dibêje 'Sebir bikin û dua bikin' Dudu, ji bankayan re got 'Dîsa têkevin bin deynan' û KDV’ daxist. Niha jî ji welatiyan dixwaze ku pere bidin û dibêje 'Em têra xwe hene'
Berdevkê CHP'ê Faîk Oztrak, diyar kir ku pêvajoya şewba vîrûsa corona ji bo dewletê û gel ezmûnek girîng e û wiha got: “Îqtîdar ji berpirsiyariyê direve. Divê derketina derve qedexe bike.
Hevserokê Giştî yê HDP’ê Mîthat Sancar, diyar kir ku divê li dijî şewba vîrûsa koronayê “Navenda Koordînasyona Krîzê ya Neteweyî” bê avakirin û got: “Em ê navendekê ku agahiyên bi ewle bide civakê ava bikin. Pêdiviya civakê berî her tiştî, bi jiyanek bitemînat heye.”
Rêxistina HDP'ê ya Îzmirê, diyar kir ku ji ber pêvajoya şewba vîrûsê divê kes ji malên xwe dernekevin û xwest hikûmet, hemû partî, rêxistinên civakî û saziyên civakî bi hevkarî û tevkariya hev pêdiviyên civakê temîn bikin û vê pêvajoyê derbas bikin.
HDK'ê polîtîkayên tifaqa AKP-MHPê ya li dijî vîrûsa corona bi zimanekî tund rexne kir û anî ziman ku sedema vîrûs ewqas bi lez belav bibe polîtîkayên îqtîdarê yên şaş in. HDK'ê xwest di serî de hemû girtiyên li girtîgehan serbest bên berdan û di her alî de tedbîr bên girtin.