Polîsan mil û tiliyên endamê PM’a DBP’ê Kenan Îldenîz şikandin. Îldenîz ê ji ber îşkenceya giran a di bin çavan de nikare bimeşe, li ser kursiya astengdaran birin nexweşxaneyê. Dîmenên van kêliyan hatin bidestxistin.
Gelê Wanê li dijî xespkirina vînê meşiya. Di çalakiyê de peyama “Em ê bi tu awayî destûrê nedin dagirkeriyê” dan.
Endama Şandeya Îmraliyê Pervîn Buldan di serdana gorê Celal Talabanî de lênûsa taybet îmze kir.
DBP’ê bertek nîşanî operasyona binçavkirinê a li dijî HDK’ê da û ji îktîdarê re got: “Dev ji van bêhiqûqiyên hêviya aştiya civakî û çareseriyê têk dibe, berdin.”
229 parêzerên îranî ji bo betalkirina biryara darvekirinê ya Werîşe Mûradî, Pexşan Ezîzî û Şerîfe Mihemedî bê betalkirin ji daraza Îranê re name şandin.
Înîsiyatîfa Malbatên Pirsûsê diyar kirin ku ew ê dev ji daxwaza xwe ya edaletê bernedin û ji bo nobetên xwe yên ku dê li Stenbol û Îzmîrê bên lidarxistin, banga piştevaniyê kirin.
Parêzerên Buroya Hiqûqê ya Asrinê ji bo hevdîtina bi muwekîlê xwe Rêberê PKK’ê Abdullah Ocalan serî li Serdozgeriya Bûrsayê û Midûriyeta Girtîgeha Îmraliyê dan.
Nûnerê rojnameya Ozgur Gundemê yê Rihayê Kemal Kiliç di 32’emîn salvegera qetilkirinê de li ser gora xwe hat bibîranîn. Rojnameger Emrullah Acar got ku dê pênûsa wî li erdê nemîne.
Di çalakiyên protestokirina tayînkirina qeyûm ên li Wanê de 55 jê zarok nêzî 400 kes hatin binçavkirin. Hat zanîn ku ji zarokên hatin binçavkirin 16 jê rastî îşkenceyê hatin.
Ji 4 bajarên Kantona Cizîrê gelek kesan ji bo beşdarî berxwedana li Bendava Tişrînê bibin bi rê ketin.
Ji ber îfadeyên îtîrafkar Umît Akbiyik, der heqê Rojda Çîftçî de doz hate vekirin û 6 sal û 3 meh cezayê hefsê lê hate birîn.
Şandeya Îmraliyê ya DEM Partiyê çû serdana Endama Dîwana Serokatiya YNK’ê Şanaz Îbrahîm Ehmed.
Hevserokê Giştî yê DEM Partiyê Tuncer Bakirhan bang li Serokê Giştî yê MHP’ê Devlet Bahçelî kir û got: “Îktîdara AKP’ê hewl dide hewldanên ji bo diyalog û muzakereyan sabote bike. Ji Wanê heta Tişrînê û operasyonên li dijî HDK’ê, hewl dide hêviya aştiyê tune bike.”
Hat îdiakirin ku di serdagirtina malê ya polîsan de berê çek dane zarokê 3 salî û her wiha îşkence li E. M. (16) û Sîpan Yusuf kirine.
Danişîna doza rojnameger Bêrîtan Canozer hat lidarxistin ku bi îdiaya “propagandaya rêxistinê” tê darizandin. Salek û 3 meh cezayê hefsê lê hate birîn.