Hevşaredarê Bajarê Mezin ê Mêrdînê Ahmet Turk ê têkildarî şewata ku 15 kesan tê de jiyana xwe ji dest da axivî, diyar kir ku dema qeyûm da şaredarî di bin deynî de hatine hiştin lê ji tu yekîneyan re pere nehatiye dayîn û got: “5 milyar lîre deyn hatiye hiştin lê ji tu yekîneyan re nehatiye xerckirin.”
Hevserokê Şaxa EMO’ya Amedê Ûfûk Bûlût destnîşan kir ku wan ji bo enerjiyekî baştir û pêşîlêgirtina karesatan, berî niha DEDAŞ’ê hişyar kirine û anî ziman ku wan ji ber aliyê xwe yê bazirganiyê hişyariyan piştguh kirine.
Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, dernakevin hevdîtin û telefonên malbatê û dadgehan boykot dikin. Çalakiya girtiyan di roja 213’emîn de didome.
Cenazeyên endamên HPG’ê Sefer Temel û Yilmaz Sala yên ku di şerekî li navçeya Elkê ya Şirnexê de jiyana xwe ji dest dabûn li bajarên wan hatin definkirin.
Serokê Komeleya Bila Rengên Jiyanê Neçilmisin Osman Tûrgût diyar kir ku di warê têkoşîna li dijî tiryakê de peywireke mezin dikeve ser milê rêveberiyên xwecihî û got: "Li ber destê me tu dane tune ne ku li Wanê çend kes tên dermankirin. Ji lew re midûriyeta polîsan û Wezareta Tenduristiyê daneyan bi me re payê nake."
Li derdora Bahçeşehîr a rêya TEM’ê rêzeqeza çêbû. Di qezayê de gelek kes birîndar bûn.
Hevserokê MED-TUHAD-FED’ê Kerem Canpolat, çalakiyên ji bo rakirina tecrîda li ser Rêberê PKK’ê Abdullah Ocalan didomin nirxandin û diyar kir ku heta tecrîd bi dawî bibe dê çalakî bi şêwazên cuda bidomin.
Xizmên girtiyan ku bi Wezîrê Dadê Yilmaz Tûnç re hevdîtin kirin û tecrîda li ser Rêberê PKK'ê Abdullah Ocalan anîn ziman. Xizmên girtiyan rapor pêşkêşî Tûnç ê ku tecrîdê red kir, kirin.
Danişîna ewil a “Duyemîn Doza Kobanê” ku derheqê 5 parlamenterên HDP’ê de hatibû destpêkirin hat lidarxistin û Huda Kaya bi şertê qedexeya derketina derveyî welêt hat tahliyekirin.
Li Xarpêtê mêrê bi navê Firat Bûlût, Selen Akpolatê qetil kir û piştre xwe kuşt.
Şandeya ji hilbijartiyên DEM Partiyê yên Wan û Agiriyê pêk hatî, li dijî desteserkirina vîna li Colemêrgê meşek li dar xistin û çalakiya nobetê dan destpêkirin.
Kazim Koyûncû ji hêla heskiriyên xwe ve di 19’emîn salvegera mirina xwe de li ser gora bîrdarî ya li Hopayê hate bîranîn.
Bi wesîleya salvegera 12’emîn a çalakiya nobedê ya ku ji bo azadiya Rêberê PKK'ê Abdullah Ocalan li Strasboûrgê tê meşandin, daxuyaniyeke girseyî hate dayîn.