Bi ser qetilkirina belavkarê Rojnameya Azadiya Welat Kadrî Bagdû re 10 sal derbas bûn lê hêj jî faîlên wî nehatine girtin. Şemsa Bagdû diyar kir ku heta faîlên hevjînê wê tên girtin û cezakirin dê têkoşîna wan bidome.
Li navçeya Orhaneliyê cenazeyên 3 kesan hatin dîtin. Têkildarî bûyerê kesek hate binçavkirin.
Bi hezaran kesên ji bo “Mitînga Azadiyê” ji bajarên cuda berê xwe dan Amedê, ji hêla polîsan ve hatin astengkirin. Çalakvan, astengkirina polîsan protesto dikin.
Rêberê PKK’ê Abdullah Ocalan li ser merhebakirina Bahçelî ya berê wiha gotibû: “Ez nabêjim wê lihevkirin, merhebakirin çênebe. Ger bi rastî jidil bin û çareseriyê bixwazin, dê di nava xwe de peymaneke civakî îmze bikin. Ew ê bi hev re li ser maseyê rûnên."
Bersiva daxwaznameya Parlamenterê DEM Partiyê Ferît Şenyaşar hate dayin. Di bersivê de hate gotin ku li hezar û 93 kesan ketina Meclisê hatiye qedexekirin.
Serokê YNK’ê Bafel Talabanî di mitînga partiya xwe ya li herêma Raperînê de got: “Em ê bi hev re tişta li me tê ferzkirin biguherînin.”
Midûriyeta Giştî ya Meteorolojiyê ji bo 7 bajaran bi koda zer hişyariya barîna zêde kir.
Kesên ji bo beşdariya “Mitînga Azadiyê” ya li Amedê ji Edene û Mêrsînê ketin rê, bi çalakiya rûniştinê astengkirina polîsan protesto kirin.
Girseya ku dixwest biçe Amedê li dijî astengiya polîsan çalakiya rûniştinê li dar xist û got: "Em ê bi berxwedanê bi ser bikevin."
Baroya Şirnexê Lijneya Giştî li dar xist. Abdullah Findik bû serokê baroyê.
Rêxistina DEM Partiyê ya Şirnexê bang li gelê Botanê kir ku tev li mitînga “azadiyê” ya li Amedê bibin.
Siyasetmedar Aldar Xelîl anî ziman ku gelê başûrê Kurdistanê divê dengên xwe ji bo demokasiyê biavêjin sindoqan û got: “Em di wê baweriyê de ne ku wê gelê Başûr dengê xwe bide kesên bikarin nûnertiya rasteqîn bikin.”
Di kongreya Baroya Enqereyê de endamên Grûba Parêzerên Netewperest êrişî parêzerên kurd û sosyalîst kirin.
Di çalakiyên ku ji bo girtiyên li Enqere û Stenbolê hatin lidarxistin de daxwaza berdana girtiya nexweş Hatîce Onaran hat kirin