Hevseroka OHD’a Amedê Gîzem Mîran di kongreya Baroya Amedê de axivî û got: “Nêzîkatiya dewletê ya li hemberî Îmraliyê nêzîkatiya li hemberî pirsgirêka kurd e.”
Xizmên Windayan û rêveberên ÎHD’ê li çar bajaran ji bo aqûbeta windayan çalakî li dar xistin û destnîşan kirin ku heta winda bên dîtin û faîl bên cezakirin dê têkoşîna xwe bidomînin.
Li Dîlokê kesê bi navê Ahmet Demîr hevjîna xwe Emînde Demîr û çar zarokên xwe qetil kir.
Dayikên Şemiyê vê heftê bal kişandin ser qetilkirina 11 gundiyên li navçeya Pasûrê û gotin: "Em ê tu carî dev ji daxwazên xwe yên edaletê bernedin."
Welatiyên xwestin ji bo mitînga “azadiyê” ya Amedê derkevin rê ji aliyê polîsan ve hatin astengkirin. Gelek welatiyên bi derfetên xwe derketin rê bi dirûşmeya “Her der Amed her der berxwedan” nerazîbûn nîşan dan.
Hevserokê Giştî yê DEM Partiyê Tuncer Bakirhan di panela ji bo astengdaran a Şaredariya Wêranşarê de axivî û diyar kir ku ew ê serokatiya daîreya astengdaran heta dawiya salê li Wan û Mêrdînê jî ava bikin.
Şofêrên TIR’ên ku xwestin derbasî Herêma Kurdistanê bibin bi daxwaza ku tevdîrên ji bo ewlehiya wan bê girtin dest bi grevê kirin.
Welatiyên li Stenbolê dê ji bo mitînga “azadiyê” ya li Amedê derkevin rê, li gelek deveran li hev kom bûn û govend gerandin.
Li gelek bajarên bakurê Kurdistanê baro kongreyên xwe li dar dixin. Serokê Baroya Amedê Nahît Eren nerazîbûn nîşanî polîtîkaya necezakirinê da û dê baroya wan kevneşopiya têkoşînê a li dijî vê bidomîne.
Di Bultena Tecrîdê ya ku ji aliyê OHD'ê ve hatiye amadekirin de hat destnîşankirin ku 24 sal û 7 meh û 28 roj in li Îmraliyê tecrîd tê sepandin.
Sekreterê Giştî yê Odeya Bijîşkan a Amedê Ahmet Baran, diyar kir ku li girtîgehan binpêkirinên mafan ên tenduristiyê û jiyanê zêde dibin û got: "Girtî nikarin ji mafê tenduristiyê sûdê werbigirin."
Dadgeha rejîma Îranê 3 meh ceza li mamosteya zimanê kurdî Sewsen Hesen Zadeî birî.
Parlamenterên DEM Partiyê banga beşdariya “Mitînga Azadiyê” ya dê sibê li Amedê bê lidarxistin kirin û gotin: “Ji bo jiyanek wekhev, azad û demokratîk em sibê li Qada Îstasyonê bin.”
Li Êlihê polîsan avêt ser mala Halîse T. û lawê kirin binçavan. Halîse T. diyar kir ku lawê bi tundiya polîsan re rû bi rû maye û dîmenê ku kişandiye jî bi gefxwarinê ji telefona wê hatiye paqijkirin.
Nûnerên rêxistinên girseyî yên demokratîk ên Rihayê banga tevlibûna "Mitînga Azadiyê" ya ku wê sibê li Amedê bê lidarxistin kirin û ev peyam dan: "Em ê bên û Qada Îstasyonê bikin qada aştiyê."