Şewata ku li gundê Bilexşeyê yê Kercewsê û herêma Mawa ya Heskîfê ku operasyona leşkerî lê didomin derket, bi hinceta walîtiyê ew der weke “herêma ewlehiyê” îlan kirine, mudaxile tê astengkirin.
Endamê Meclisa Ciwanan a HDK’ê Onûr Basmaci yê di 11’emîn Lijneya Giştî ya SGDF’ê de axivî, da zanîn ku tecrîda li ser Rêberê PKK’ê Abdullah Ocalan ji bilî têkoşîna çîna polîtîk, bandorê li gelek qadan dike.
Bekir Kaydu ku li Girtîgeha Tîpa S a Manavgatê dihat ragirtin, piştî 15 salan hate berdan. Kaydu, got: “Hevalên me li bendê ne ku têkoşîn bê mezinkirin.”
Baroya Amedê bertek nîşanî êrişên bi hinceta protestokirina Îsraîlê li dijî dikanên xwarin û vexwarinan tên kirin da û bang li rayedaran kir ku peywira xwe pêk bînin.
Parlamenterê DEM Partiyê Îbrahîm Akin di çalakiya “Deng bide azadiyê” ya bi pêşengtiya malbatên girtiyan tê lidarxistin de axivî û diyar kir ku dê li her qadê li dijî tecrîdê têbikoşin.
Hêzên rejîma Îranê ciwanê kurd ê bi navê Aram Ustadî binçav kir.
Waliyê Mêrdînê Tuncay Akkoyun û şandeya pê re tev li şîna li gundê Kelekê bûn. Welatiyan bertek nîşan dan û walî neçar ma ku ji mala şînê derkeve.
TJA çû serdana karesata şewatê lê derketî. Harîka Peker li ser navê TJA’yê axivî û got ku tiştên diqewimin encama polîtîkaya şerê taybet ê li Kurdistanê ye. Hevseroka Giştî ya DBP’ê Çîgdem Kiliçgun Uçar jî diyar kir ku dê birînên xwe bi hev re derman bikin.
Derket holê ku par jî li Amedê li heman herêma çendek roj berê şewat derketî û 15 kesan jiyana xwe ji dest dayî şewat derketiye. Piştî serlêdana welatiyan, DEDAŞ biqisûr hatibû dîtin û tazmînat dabû gel.
Mexdûra erdhejê Done Kaya di nobeta bi daxwaza “Darizandina adilane” de bal kişand ser şewatên li Amed û Mêrdînê û ji bo kesên di erdhej û şewatan de jiyana xwe ji dest dayîn daxwaza edaletê kir.
AYKAY-DER’ê xwest ku deverên şewat lê derketin weke Herêma Karesatê bên ragihandin û berpirsyarên wê hesabê bidin.
Li gundên navçeya Xîzanê bi tevlibûna leşker û cerdevanan operasyona leşkerî hate destpêkirin.
Şewata ku şevê din li 8 gundên Hezexê belav bûbû hat kontrolkirin. Hat zanîn ku şewat derbasî Bakur û Rojhilatê Sûriyeyê bû û hêj didome.
Operasyona leşkerî ya li herêma Mawa ya Heskîfê hatiye destpêkirin, ber bi çoltarê navçeya Kercewsê hate berfirehkirin.
Şaxa Odeya Endezyarên Ceyranê ya Amedê diyar kir ku li herêma şewatê xozan tune ye û li deverên xetên ceyranê derbas dibin jî tu tevdîr nehatine girtin.