Di şewata li Şemrex û Xana Axpêr de 15 kes mirin. Tenê li gundê Kelekê di şewatê de 10 kes mirin. Şêniyên gund anîn ziman ku leşkerên dereng hatin gund heqaret li gundiyan kirin û piştî agir vemirî helikopter hatin cihê bûyerê.
Wesayîta cerdevanan li gundê Sewadiyê qeza kir. Di qezayê de cerdevanekî jiyana xwe ji dest da.
Di qezayên trafîkê yên di rojên betlaneya Cejna Qurbanê de pêk hatin de 68 kesan jiyana xwe ji dest dan.
Li Amedê komekê êrişî şaxên Burger King û Starbucksê kir.
DEM Partiyê li dijî xespkirina îradeyê plansaziyeke nû ya çalakiyê derxist û di vê çarçoveyê de dê di 30’ê hezîranê de ji Stenbolê ber bi Colemêrgê ve “Meşa Rêzgirtina ji bo Îradeyê” bide destpêkirin. Li gel meşê, her wiha dê li hemû bajaran çalakî bên lidarxistin û endamên meclisa Şaredariya Colemêrgê dê li Enqere û Stenbolê hevdîtinan bikin.
Odeya Bijîşkan a Mêrdînê pêşrapora lêkolînê ya têkildarî şewatê eşkere kir. Di raporê de hat gotin ku beşa tedawiyên şewitînê li nexweşxaneyên bajar tune ye.
Li Îzmîrê du xwişkên temenê wan 14 û 12 li odeyeke hotêlê bi awayekî guman jiyana xwe ji dest dan.
Waliyê Amedê çû şîna malbatên xizmên xwe di şewatê de winda kirin. Gundiyan ji ber daxuyaniyên walî ku DEDAŞ diparast bertek nîşan dan. Gundiyên bertek nîşan dayîn hatin derbkirin. Ji gundiyan Îbrahîm Eren wiha got: “Rayedar ne gotinên gel lê yên DEDAŞ’ê gundarî dike.”
Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, dernakevin hevdîtin û telefonên malbatê û dadgehan boykot dikin. Çalakiya girtiyan di roja 210’emîn de berdewam dike.
Derket holê ku têlên ceryanê yên li Amed û Mêrdînê bûn sebeba şewatê, li Rihayê jî bûne sebeba şewatê. Tarim Orkam-Sen ku li Rihayê têkildarî mijarê rapor amade kir, destnîşan kir ku şewat ji ber çirûskên ku ji têlên ceryanê pijiqîne çêbûye û 57 donim genim ji ber vê bûye arî û maye.
Hevseroka Giştî ya DEM Partiyê ya Stenbolê Gonca Yangoz di çalakiya li dijî qeyûman a li Haciahmetê de axivî û got, "Em ê bi têkoşîna xwe ya hevpar van hemû zehmetiyan derbas bikin."
Kesên ku li dijî desteserkirina şaredariya Colemêrgê nobet digirin banga ‘Vîna gel nas bikin’ kirin.
Şewata li 8 gundên Hezexê belav dibe, mudaxeleyên ku tên kirin kêm dimîne.
Piştî şewata ji ber DEDAŞ’ê ku di navbera navçeya Çinarê ya Amedê û navçeya Şemrexê ya Mêrdînê de çêbûbû, vê carê jî di encama bombebarana li ser Mawayê de şewat çêbû.